老一輩嘅人會覺得人死如燈滅，一切會隨住一個人嘅離世而完結。我唔同意。

Chuck嘅離世就係一個好例子。佢留底好多嘢比我哋 - 一齊做嘢時嘅苦與樂，佢對家人嘅愛，佢嘅人生觀，仲有佢死亡嘅警號 - 健康真係好重要。而因為咁，我開始嘗試去從工作中，搵一啲可以留底嘅回憶、嘗試對人付出多啲嘅愛、嘗試積極面對自己不論係好係壞嘅人生。

我好羨慕Chuck，因為佢有好多嘢可以留底比人記得佢。我將相信我嘅一切，會隨住我嘅離開 ...

灰飛煙滅

今日做appraisal - 好驚。驚，係因為我要預先準備我嘅strength同weakness各三個。我嘅weakness多不勝數；strength？乜我有咩？

Surprisingly，老闆第一句問：你做得開唔開心？我無言。開心，並唔係我可以有嘅選擇。一向以來，我只有被挑選嘅餘地，而好嘢永遠冇我份。開心？諗都唔敢諗，太奢侈喇~

我冇manager嘅形象？想我點呀？我係一個「和平主義者」-即係平日大家講「唔想煩」嘅人。我problem solving嘅做事手法喺今時今日，特別係我間公司，係非常有問題嘅。Fine~ 咁我就開始擺款囉，畢竟人變「壞」係極之容易嘅事。「吋」之嘛，easy job。

唉~ 我相信我喺呢間公司個「朵」會越來越臭囉~

(1) 朝早起身四圍行，然後推老豆落公園做運動，自己都順便郁吓

(2) 11點做facial

(3) 12點半返屋企，姑姐啱啱到，同佢傾咗一陣，就一齊出街飲下午茶

註：好似仲未提到我食嘢 - 係，喺兩點呢個時候，我仲未食早或午餐 - 因為好忙。

(4) 飲完下午茶已經3點，去街市買餸，返到屋企已經差唔多4點

(5) 少睡片刻。由5點半開始，就係我嘅Wii時間，一直打機打到10點多，當中我用咗大約15分鐘食晚飯。

(7)  沖涼、打blog

呢個就係我嘅星期六 - 好忙 ...

今朝啱啱講完可以化腐朽為神奇，依家講吓有啲人點化神奇為腐朽。

今日嗰堂係有關Mass Media，首先嗰條叫「doctor」嘅物體遲到，再嚟佢要點名 - 無錯，喺一班成年人學生嘅堂點名。第三，佢講嘢超悶；第四 ... 總之講都講唔晒。原本我聽人講呢班好full，想要add呢科非常難。但今晚我所見，佢喺堂上不停咁講，完全唔比學生有break。而就喺佢見到有好多人入課室想sit-in，佢就好好人咁想話去搵櫈比人坐。就喺電光火石之間，就起碼有十個人 - 其中當然包括我啦 - 就好似走難咁... 唔係，係好有禮貌咁，讓出個位比有需要嘅同學 - 諗卟都覺得自己偉大呀~

你話吖~ 一個可以將一個有趣嘅科目變成神枱貓屎，你話係咪化神奇為腐朽吖？而且真係功力少啲都唔得呀~

我覺得自己好成功 - 其實佢都係，我哋可以完全當嗰兩次遇然相遇冇發生過，然後繼續發噏風。席間佢可以同Blanche談笑風生，而我就扮演我陪坐、陪食、同陪笑嘅角色 - 好稱職。

我終於釋然。就好似阿Paul話，要時時懷感恩嘅心，就唔會介懷一啲曾經令自己唔開心嘅人同事。

就好似某套電視劇/電影嘅台詞話：春夢了無痕 - 忘記他 / 它吧~

琴晚上堂呀「sir」令我印象好深刻，原因有二：  一，佢又瘦又細粒，當佢入課室時，我仲以為邊個「死靚(第一聲)仔」入咗嚟 - 大佬呀~ 人哋係doctor 博士嚟0架~；二，成堂佢都好佢喺度做stand up comedy咁，將一啲好悶嘅嘢(有關政府嘅架構同文書往來等等)，講得好好笑。

嗱~ 呢啲就考功力喇~ 唔係個個都識攪gag0架~

12月尾嗰陣我攞咗部數碼相機入廠維修，到今日都仲未比個修理費嘅quote我，我就打電話比維修部。一問之下，差啲嚇死我 - 要1千5百個大洋~ 1千5百啊~ 我買部新嘅都唔駛咁貴啦！真係食咗我隻「車」咩...

佢仲話遲兩日再通知我上去攞返部機。No thank you喇，仲要我攞返？搭車唔駛錢吖？？？

事緣1： Mandy將會喺月中返香港補擺喜酒，所以問我其他人嘅contact，其中一個就梗係我哋前四人幫成員嘅佢啦~

事緣2： 大約喺兩年前，我經過一番深思熟慮後，將一切有關佢嘅嘢delete晒。

事件經過： 我搵Blanche幫Mandy搵四人幫其餘兩位成員，其中包括佢在內。

結果： 原來佢就喺Tower One返工，Blanche仲叫佢join我哋星期四嘅lunch gathering。

哈~ 原來佢喺第一座，謎底已經被解開喇~

我聽到嗰陣好鎮定。超~ 駛乜驚喎，佢咪又係人一個~ 我已經做好晒心理建設喇，就睇星期四臨場發揮啦~

今日我喺Google個personal page度搵到啲好得意嘅嘢：

http://www.wikihow.com/Say-I-Love-You

如有興趣及/或需要，試吓睇睇會唔會幫到你？