近日聽返雪狼湖嘅OST，令我一再回味呢個老套又歷久彌新嘅愛情故事。可能大家嘅注意力會放喺，寧靜雪被梁直殺後，胡狼痛不欲生。呢啲係人之常情。但寧玉鳳(寧靜雪家姐)又會點呢？寧靜雪死後佢同胡狼有冇可能發展出另一段感情(雖然故事話胡狼抱住寧靜雪嘅遺體，沉入雪狼湖中)？梁直殺咗寧靜雪之後會唔會比人拉去坐監(雖然故事話佢逃走咗)？寧母喺寧靜雪被殺、梁直可能入獄而令佢生活無依靠時(佢一向都唔錫玉鳳)，佢又會點？

我用紅色，係因為紅，係寧靜雪嘅顏色：紅笑臉、紅裙、紅絲巾...

最近愛上扭蛋。原因有幾個：蛋入面嘅玩具精美；價錢合理 - 起碼比麥當勞啲開心樂園餐玩具平、靚、正；刺激 - 你唔會知道碌出嚟嘅你邊款玩具。

最重要嘅係，妹妹鍾意~

有冇見過一啲年邁嘅夫婦，手拖手喺街度踱步？你有乜嘢感覺？

我就好鍾意見到呢啲情境。古人話：少年夫妻老來伴。喺現今呢個世界又有幾多人可以做到？

無論你依家身邊嘅伴侶有幾「不濟」，你當日會選中佢，一定有你嘅原因同佢可取之處。珍惜身邊嘅人，喺你離開呢個世界嘅時候，一定唔會後悔你曾經做過嘅決定。

(1)  人一出生就喺度尋尋覓覓：肚餓時搵嘢食、悶時搵嘢玩、讀書要搵學校、讀完書要搵工、思春時要搵男/女朋友、想結婚要搵個適合嘅伴侶，連死都要搵間好嘅殯儀館同風水好嘅墓地... 做人真係好攰 ...

(2) 有本書講，你同某個人分手，係因為嗰個人並唔係你嘅真命天子。佢只係你喺等待嘅時候，咁啱遇到，用嚟打發吓時間。我覺得暗戀亦然。你遲遲唔肯採取行動，將暗戀昇華成明戀或失戀，係因為你覺得嗰個人仲未值得你咁做。當你肯行動嘅時候，代表你真係好鍾意呢個人，佢已經被列入真命天子嘅候選人名單中。唔肯行動，唔係代表你唔鍾意佢，只係你愛自己比愛佢多。

(3) 我諗只要我唔係瞓緊，個腦就不停咁胡思亂想。我幾時先可下休息一吓？

fi yuo cna raed tihs, yuo hvae a sgtrane mnid too
Cna yuo raed tihs? Olny 55 plepoe out of 100 can.
i cdnuolt blveiee taht I cluod aulaclty uesdnatnrd waht I was rdanieg. The phaonmneal pweor of the hmuan mnid, aoccdrnig to a rscheearch at Cmabrigde Uinervtisy, it dseno't mtaetr in waht oerdr the ltteres in a wrod are, the olny iproamtnt tihng is taht the frsit and lsat ltteer be in the rghit pclae. The rset can be a taotl mses and you can sitll raed it whotuit a pboerlm. Tihs is bcuseae the huamn mnid deos not raed ervey lteter by istlef, but the wrod as a wlohe. Azanmig huh? yaeh and I awlyas tghuhot slpeling was ipmorantt! if you can raed tihs forwrad it

辦公枱上有一個筆筒，筆筒入面有好多筆 - 正確啲講係鉛筆，係我喺以前出差時喺世界各地入住嘅酒店嗰度「撻」嘅鉛筆。

好鍾意刨鉛筆嘅感覺。就好似人生，順風順水一牌(尖嗰陣時)，又會有啲阻滯(掘咗)，要經過一啲磨鍊(刨筆)，先可以漸入佳境。

鉛芯筆就顯得太理所當然。斷咗筆芯，按兩下，又有筆芯跌落嚟，一切喺掌握之內。不過，返學唔可以唔用鉛芯筆 - 除非我帶埋鉛筆刨返學啦~

一早睇新聞報導，琴晚出外觀賞國慶煙花匯演嘅人數有33萬。其實我哋嘅人生何嘗唔係比數字操縱？讀書求分數(我唔順政府嗰套求學不是求分數。乜唔駛考會考喇？？？)，大個做工好唔好就睇人工，女仔就講三圍數字，男人就...。做生意講sales，比賽講時間或者對賽賽果，對政府對重要嘅係7•1遊行嘅人數... 乜都係數目字。我好似搵唔到同數字無關嘅事。

每個人喺心裡面都有一個監獄。你唔駛特別做錯乜嘢，只要有一啲想唔開，你就會被困喺獄中。

終身監禁。

"雪狼湖"第二幕.曲目2---葬月

葬月(往事與月色,同在獄中埋葬)--大合唱
曲:潘哲玄 詞:潘源良 編曲:Iskanda Ismail

給我依靠傾訴唯有身邊幾塊牆　給我窺看天際唯有是零落破窗
一堆空白思想　每天腦裡眼內藏　廢棄了的青春　殘留在面上風霜

無無聊聊又一日。唔好問我個過乜，因為我都唔知。

我唔係工作狂，但漸漸覺得，放假，係浪費生命。