A stupid test, but it says about me ...

http://myidk.com/age.php

您的精神年齡N歲
與您實際年齡差-3歲
幼稚度48％
成熟度43％
老化度61％

我哋都相信 after life，相信過咗身嘅人只係去咗另一個「國度」。佢哋同我哋一樣，要化靚靚妝；我哋會比最好嘅嘢佢哋，所以會燒車燒大屋燒妹仔「落去」比佢哋享用，佢哋喺「上面」會享用瓊漿美酒、聽天使演奏音樂...

我哋相信，死，係一種解脫。以前嘅恩怨情仇、周身病痛會離我哋而去，比我哋早離世嘅至愛親朋可以重聚...

死，似乎唔再係一件可怕嘅事。但生命，亦唔係我哋想像中咁美好。

我 ... 期待死亡 ...

不如重新開始 ...

當香港人對肥肥離世感到惋惜之際，啲免費報紙就focus喺肥肥用晒啲錢醫病，欣怡一個仙都冇、鄭少秋冇露面、冇心肝、唔念舊情...

逝者已矣，我相信欣怡寧願要媽咪唔要錢，而鄭少秋係咪冇心肝唔念舊情，亦唔到外人評論。點解做報紙嘅人唔可以用中立嘅角度，報導一個有如香港之寶嘅藝人嘅離開？

香港文化界嘅悲哀 ...

又一個資深藝人離世，心入面始終唔係好舒服。

我同佢素昧平生，但佢嘅笑聲、電影同電視節目陪住我長大。佢離開，就好似話比我聽 - 喂！夠喇~ 你嗰個時代完咗喇~ 你要長大，唔可以再停喺以前嗰個年代喇~

我熟悉嘅人一個一個咁離開我，幾時輪到我？

越有比較，就越覺得以前嘅好。依家自命明星嗰啲？ (喺各方面都要)收皮啦~

當市民對擾攘咗差唔多成個月嘅「X照」事件開始厭倦之際，商台上個禮拜五攪咗一個forum，其中一個議題係事件發生後，大家見到有乜嘢現象發生。

我睇到人與人之間嘅信任變得薄弱。

就擬似其中一位女事主嘅個案，女事主當時同男主角係情侶。兩個人情到濃時拍照留念，無可厚非。但事情嘅發展，係男主角可能喺同時腳踏幾條船，同時有多個性伴侶 - 唔係普通伴侶，而係性伴侶；而自己同男主角嘅親密照又被廣泛流傳。女仔將自己嘅身體交托比一個男性，除咗愛，一定有非常程度嘅嘅信任。如果一個女仔先被背叛，再被他人公開最私密的一面，呢種慘況可想而知。

如果對愛侶連基本的忠誠都做唔到，呢啲係愛咩？又如果唔信任對方，呢種愛又可以長久咩？

唉~ 我呢啲上一個世紀嘅人越來越唔明依家啲後生仔女囉~

我唔係想批評人哋嘅management style，我只係覺得奇怪，原來有人理解部門經理為「部門內一切事務都要經佢處理」。

公司有一個staff purchase嘅「福利」，同事可以用勁優惠嘅價錢買公司嘅產品。就喺其中一個部門，所有staff要將佢哋嘅form交比部門經理，再由部門經理再轉交我呢個小Admin。我唔會理人哋點做嘢 - 只要佢準時交比我就得喇。但我又有問題喇喎 ...

• 點解staff買乜嘢都要比佢知？要佢approve咩？點解呀？
• 班同事將佢哋啲form比晒佢。如果佢遲咗submit比我，我理唔理佢哋好呀？我話過逾時不候喎 ...

Sharing only ...

情人節快樂

祝天下有情人快快樂樂

冇情人嘅亦都快快樂樂，但...

我冇情人亦冇情

我唔快樂

我想喊

非

關

情

人

節

就正如Four Weddings & A Funeral嘅主題曲 - Love is all around。

男主角唔俊 - 我唔鐘意南美啲男人個樣，女主角唔美 - 佢個樣好artificial，但呢套片好sweet。原來人生兜兜轉轉，你要搵嘅人就喺你身邊。Jacks如是，Peter亦如是。

一個好meaningful嘅shot:  http://www.youtube.com/watch?v=Gl75-kAAkl4&feature=related

就係呢句對白：Maybe true love is a decision, a decision to take a chance with somebody. To give to somebody without worrying whether they’ll give anything back or if they’re gonna hurt you or if they really are the one. Maybe love isn’t something that happens to you. Maybe it’s something you have to choose. We should find out that true love is an event, not a process.

好鐘意呢套片，為我呢個寒冷嘅冬天 / 情人節加添一點溫暖。Thank you Joe & Adrian~

Maybe I should propose to my boss and I'll be the first staff entitle to this leave ...

【明報專訊】失戀是許多人的慘痛回憶，日本一家行銷公司相當貼心，准許剛剛失戀的員工，申請「失戀假」，而且年紀愈大，假期日數愈多。這家公司的老闆認為，「失戀就像生病一樣，當然應該給予員工失戀假」。

年紀愈大療傷期愈長

提供失戀假的公司叫Hime & Company，去年開始推出有薪失戀假，更妙的是，員工年紀愈大，失戀假的天數愈多。這家公司表示，「20多歲的人很快就可以找到新的戀情；然而30多歲的人，需要的時間比較久，因此假期要較長。」

這家公司是專門販賣女性用品的行銷公司，公司的成員並不多，女員工更只有6人。但老闆認為，失戀就像生病一樣，需要好好的休息放鬆。更棒的是，除了失戀假外，員工一年還有兩個早上的「購物假」，女老闆很了解女性員工都愛搶百貨公司減價貨的心理，乾脆推出購物假，讓員工可以快快樂樂的購物。

嗰種感覺好得意。當你對腳、全身都好暖，甚至掌心冒汗，但你個鼻依然好「冰」。就只係個鼻，凍到你瞓唔到。雖然我瞓唔到，但又唔嬲，因為個感覺實在太過癮。嘻~

同樣，今朝返工時，對耳亦有相同感受 - 好凍，凍到想甩。

一向以來，對手同對腳會首當其衝受害。當然，今年我對腳仍然係重災區，但個鼻同對耳就加入成為新嘅災區。不過講開又講，我哋唔係一向都希望有個凍嘅冬天咩？今次夢想成真，開心啦？不過凍還凍，只希望唔好有人傷亡就好喇~

我哋繼續享受剩番落嚟嘅寒冷日子啦~