睇完個「洗底大行動」(好似話叫「勇闖玉珠峰」)後，我好認同梁榮忠講： 其實，一切都源於一時嘅虛榮。當你達到咗目標，一切已經唔再重要 - 重要嘅係個過程。

我嘅一時虛榮 - 其實已經唔止一次，在於想返學，凸顯我嘅聰慧(嘔...)，所以一而再、再而三咁報名讀書，往往唔記得咗，原來讀書要做功課 - 還好喺有選舉嘅情況下，今次我唔駛考試。否則，後果就好似N年前讀U咁，差啲要搵刀仔插大肶...

我最近就係享受緊「趕功課」嘅過程，既緊張嘅心情，又帶啲懶散嘅態度，真係幾過癮。不過，再過癮都要交功課，一切都會成為過去。

每個人唔開心都會想做一啲嘢令自己開心返；令我印象最深刻嘅，係喺「孤男寡女」中鄭秀文洗廁所。我叫呢啲做「鎮靜劑」。

我比人「照完肺」我都會搵我嘅「鎮靜劑」 - 整嘢食，唔理最終會係邊個食，同埋啲嘢好唔好食。

我整咗桂花啫哩、芝麻榚、芝士榚(因為冇「蛋」，所以唔係「蛋糕」)、煲花旗蔘雞湯同煲粥 - 總之搵晒屋企有嘅材料，冇嗰樣整嗰樣。

整完，心情總算平復落嚟。

突如其來的鼻水、喉嚨痛、頭重腳輕，我知道我病了。係咪因為公司嘅嘢...

屈到病？！

真係有機喇... 我終於有機會可以試吓名正言順咁請病假喇，因為我又無端端喉嚨痛、流鼻水同打乞嚏...

我終於唔係喺weekend或者放假嘅日子病喇...

一切還看聽朝 ...

好鍾意"something"呢個字，因為你有好多想像嘅空間。

"Something"，係返回學校嘅第一個學期。話咁快又3個月，咁就完成咗兩個學科。「研究院」，原來就係咁嘅 一回事...

"Something"，係對一個人嘅感覺。由fancy到scared，你都咪話唔嚇人~

"Something"，係對一個人同一間公司嘅寄望。嘿，正一寡母婆死咗獨生子 - 「無旨望」。

"Something" is simply ANYTHING.

唔係「晒命」，但我今個月真係好過份。一個月食buffet嘅次數已經爆咗全年嘅quota，再加埋打邊爐... 吾不欲觀之矣~

所以喺11月嘅尾聲，我要節制一啲 - 今日我嘅早餐係蘋果一個，而午餐就係木瓜一個。不過其實原因唔係節制，而係我真係再食唔落 ...

好飽啊 ...

走過1999

詞：十方 曲：吳旭文 編：Ramli M.S. 一張張日曆 又撕去一個秋 有多少青春 適合一個人過 不懂我不懂 為何常長來到愛情門口 獨自看往事重播 心總把心事 全說給大雨聽 漫步在雨裡 沒人笑我哭泣 不提我不提 搏取幾分同情幾段言語 我寧願安靜 讓時間去洗掉愛情 我常常回去 回憶的森林 那時候你喜歡把手放在我手中 讓我把你緊握 小小動作贏過全宇宙 但這時候 我習慣把手把手窩在口袋中 讓愛指尖流動 穿過衣袖穿過拳頭穿過心頭 人依舊 只是前進退後爭執不休 走過1999 世紀最末一分鐘 許願下一秒鐘鬆開你小手

今早因為去銀行，所以遲咗返office。喺公司樓下個mall有一個超大型嘅電視，成日都播緊無綫音樂台。今朝喺10點鬆啲喺我上電梯返office時，播緊張學友嘅「好久不見」。就係咁邪，lunch hour嗰陣又比我見到佢，我就即時打電話比mamee，話佢聽我撞「鬼」。

mamee講得啱，我又駛乜驚喎，人一個之嘛，不如諗吓下次如果再見到，我要點handle仲好啦。「咁啱嘅？你喺點座幾樓呀？得閒食lunch吖~」你咪話，禮拜四走火警，我隨時有可能又撞一次。死未？！

隻「好久不見」原來係個sign嚟0架，早知唔出去食lunch啦...

今朝，同事甲問：  我想攞影印紙呀...

我答：  喺出面呀，攞幾箱返去(warehouse果邊)用啦...

同事甲：  哦 ...

我又講：  攞多幾盒啦... 唔好用手搬啦，好重0架，用張櫈推啦 ... 下次用車仔可以攞多幾盒嘛...

甲同事老闆路過：  用櫈？整難張櫈0架，用車仔啦 ...

無言。你話張櫈會喺推一次幾盒紙之後會爛，定係日日比百幾磅坐住會爛呢？？？