越來越冇心機做嘢，所以唔想返工。我成日都想攪清楚：我好似好多嘢做，但其實又好似乜都唔關我事。究竟我係唔係咁可有可冇？我就覺得：係，一定係。其實再多嘢，換一個人都可以做得比我好。我有乜價值？唯一我可以想到嘅係：我似新界隻牛，一味做；人工又平，抵呀~

好down... 第一次覺得咁inferior~

好好玩嘅一個virtual space。我唔expect有嘢「玩」，只係作為一個meeting point，等我啲朋友可以知道我嘅近況。但比我發現有關於電影嘅一part，我就可以update我對以前睇過啲電影嘅感想。仲有可以測試吓我對電影嘅智識，攪到我唔捨得瞓。

好眼瞓啊~

失眠，好慘。11點瞓，1點半醒。開電視睇完套midnight movie，仲係瞓唔著，上網囉！

去Facebook，玩估電影遊戲，成功由500幾萬位升上400幾萬。好攰，但仲未瞓得著。真慘~

見到女同事一號返到公司就即刻話：「我病呀」，就即刻有人問：「你點呀？」心頭有啲酸溜溜嘅感覺。我唔係唊醋，我只係覺得點解有待遇差別？上個禮拜我只係細細聲同自己講，我猛流鼻水好辛苦，就有人「彈」出嚟話：「乜你都會病嘅咩？」我都係人，乜我無權病咩？乜我身體健康、身壯力健都係錯咩？我又唔係同你講，無人錫，我自己錫自己都可以呱？？？

我諗我只係適宜做古代弱女子，比人錫比人保護；喺現代做一個人哋以為強，但實際只係無人理嘅人，真係好攰。

今日放工時經過一間茶餐廳，遠遠傳來陣陣飯焦味。好香~  一看之下，原來係賣煲仔飯。

秋天又靜靜咁嚟到香港喇~

世上有一見鍾情嘅故事(又或者係你一見就好喜歡一個人，而其中唔一定有愛情嘅成份)，但大多數都係因了解而分開。我雖然冇一見鍾情嘅經歷，但同一啲人相處耐咗，你就會知道嗰個人係唔係我杯茶/件餅。我呀老闆大人，就係一個同我一啲都唔夾嘅人，所以喺任何情況下，我同佢只可以維持工事上嘅關係。

試諗吓一向比男仔更大而化之嘅我，點可以容忍一個男性成日 同你講：「咁食/飲法肥死你呀」；又或者係「點點點會靚啲唧」... 不過我諗我最頂唔順嘅係佢越來越「縮骨」。我只係要求一個headcount幫我做嘢，佢都推三推四。佢不斷咁試我嘅底線，而佢真係成功 - 佢已經試到。所以朋友們，有工作vacancy不妨話我知，我已經唔想再留底。

如果有人問你呢個問題，你會點答？以下係一啲攪笑例子，如有冒犯，懇請原諒：

(1) 我姓關，關高李氏個關。

(2) 我姓史，同屎尿屁個屎同音。

(3) 我姓吳，吳廣德 (註：請以懶音發聲)。

等等、等等 ...

今晚上堂時，我聽到有一位陳小姐咁樣講佢自己：

(4) 我姓陳，陳舊個陳，同陳列品個陳。

... 無言。

比我我就會好proud咁講： 我姓周，周恩來個周、周潤發個周、周杰倫個周、周迅個周 (註：最後兩個係optional)。

勁呱？！

事實再一次証明 - 我極度犯賤。今日係週未前夕，本應開開心心，但我又玩病，仲係好突然同好快嗰隻。由1點半時嘅打兩聲乞痴，到3點不停打乞痴，以至4點鼻水「長流不息」，到5點多仲要光榮引退。照咁睇，聽日我一定要閉關，星期一先可以重出江湖。

你話死未，weekend人放假去玩我就要養病。真痛苦~

今日搭車返工時諗，如果架巴士撞車我會點？我會唔會死？喺死嗰一刻，我會唔會後悔有未完成嘅心願，同放唔底嘅人同埋事？冇。我可以好肯定咁講，我可以即刻閤埋對眼，離開。即刻。

雖然我好似不停咁讀書，但我唔係一個勤力嘅人，我只係享受返學嘅樂趣，其中唔包括做功課。今晚，我邊度都冇去，其中一個原因，而且仲係最主要嗰個，係我要趕功課。趕，係因為我仲未開始做，而且份功課係聽日交嘅。我諗我讀書嘅原因，就好似好多人生仔一樣，只係享受做愛嘅過程，唔包括生同養個細蚊仔呢啲後果嘅。

朋友們，記住做乜都要三四五六思呀~ 

10月11日下午6點後記： 我終於喺5點9做完份功課，依家個腦好攰，成個人攰到好似散晒咁。好攰呀 ...依家仲要趕住返學。Help~