我思故我在
為了証明自己的存在，每天不停的在進行腦部活動，但尚幸未有多生華髮 ...
cbkawai : 個人主頁 - 相簿 - 訂閱  [ QOOZA - 論壇 - 登入 ] 人氣：24873
cbkawai
暱稱： Michelle
«‹ September 2026 ›»
SMTWTFS
12345
6789101112
13141516171819
20212223242526
27282930
最新文章
•我走喇~
•我係乜水？
•我係咪應該放棄？
•Baking ChowChow
•Annoying commercial
文章分類
•全部 (695)
訪客留言
最近三個月尚無任何留言
每月文章
日誌訂閱
好友名單
網站連結
尚無任何連結
最近訪客
最近沒有訪客
日誌統計
文章總數： 695
留言總數： 135
今日人氣： 18
累積人氣： 24873
站內搜尋
RSS 訂閱
RSS Feed
2008 年 4 月 17 日  星期四   晴天


回網友 分類: 未分類

Blog網誌係乜？係一本喺網上可以公開比人睇嘅日記 - 如果你想睇嘅話。佢唔係一本雜誌，唔講求「銷路」，亦無「收入」可言，所以我唔care有冇人或者有幾多人睇，更唔會為人做promotion。

我「打」網誌，係因為我想記底一啲日常發生喺我身邊嘅事，而以互聯網作媒體，只因為係趕潮流，冇其他原因。所以，如幸獲網友到此一遊，小女子深感榮幸；但若果希望我可以幫你做任何promotion，小女子則無能為力，這邊廂向諸君賠過不是。 
發表時間：2008-04-17 09:35 AM  [ 訪客留言(3) ] [ 編輯日誌 ] [ 分享至FACEBOOK ]


2008 年 4 月 16 日  星期三   晴天


新聞一宗 分類: 未分類

今早清晨有一名男子撞巴士受傷送院。收音機話現場消息指該名男子早上在趕巴士時，不慎撞向巴士，令肩膊受傷，送院治理。

一笑，原來係人撞巴士，唔係巴士撞人...仲有，呢個唔係笑話，係一單真真正正嘅新聞嚟...

  
發表時間：2008-04-16 11:29 AM  [ 訪客留言(1) ] [ 編輯日誌 ] [ 分享至FACEBOOK ]


2008 年 4 月 15 日  星期二   晴天


香港都有好心人 分類: 未分類

事源有一位坐輪椅嘅乘客等緊巴士，有巴士埋站嘅時間，司機又唔肯泊埋站落升降板。有一位女士如佢嘅同行人(我估係佢老公)就鬧爆個司機，個司機先死死氣泊好架車，落降板比人上車。上車後有一位熱心 / 八卦嘅女乘客打電話比九巴投訴個司機，我對佢嘅行為非常讚賞。因為嗰個司機咁做，會令嗰位女乘客有可能返唔到佢想去嘅目的地。

豆知識：原來有一啲過海巴士路線，喺過咗某一個時間，就唔再有九巴嘅車行駛(城巴嘅車好似無為傷殘人士而設嘅升降台)，所以如果有唔知情嘅傷殘人士乘客喺夜晚等過海巴士就要小心啲喇~

見到呢件事我好開心，原來香港人都仲有同情心同好人嘅~
發表時間：2008-04-16 04:23 PM  [ 訪客留言(1) ] [ 編輯日誌 ] [ 分享至FACEBOOK ]


2008 年 4 月 13 日  星期日   陰天


我的陰謀論 分類: 未分類

(中國 )政治入侵香港電影界 - 呢個係當我知道李連杰得到影帝嘅第一個反應。

無可否認，斯琴高娃係好戲之人，而影后嘅競爭唔算太激烈，所以佢得獎我唔係太意外。但影帝就唔同，劉青雲係一個大熱，佢已經憑呢套電影攞咗一個獎，再下一成亦唔出奇。獲提名嘅仲有黑馬郭富城，你話佢唔識做戲係一回事，佢同時獲得唔同頒獎禮中嘅提名就可以証明，佢今次嘅表演都唔錯。但李連杰... 我仍然有保留。

題外話 - 我好鍾意好鍾意嘅久石讓攞最佳原創音樂，真係「實至名歸」喇~
發表時間：2008-04-14 09:19 AM  [ 訪客留言(1) ] [ 編輯日誌 ] [ 分享至FACEBOOK ]


2008 年 4 月 11 日  星期五   陰天


我得咗啦~ 分類: 未分類

今朝返工時喺公司樓下見到一個疑似Solo嘅人行喺我面前，以前我會話比自己聽：我時運高，睇佢唔到。但今日我好勇，走去拍佢膊頭，打咗聲招呼，然後就好似以往一樣，各自玩呼吸。故事發展到呢度，我以為會好似以前咁：拜拜一聲講再見。但佢好有禮貌咁問：食咗早餐未呀？我唔想多心再諗佢呢句說話嘅深層意思，但我真係要返office開門比卿姐，等佢可以開始工作，so ... 唔通話「等我開完門再落嚟一齊食吖」，好突兀，所以就真係一聲bye bye返咗office喇。又唔好意思開門之後再落去買，費事人哋以為我特登去撞佢添~

頂~ 搞到我無早餐食 ... 最衰我個麻煩老闆 ...比條鎖匙卿姐咪得囉 ...

 
發表時間：2008-04-12 11:53 PM  [ 訪客留言(1) ] [ 編輯日誌 ] [ 分享至FACEBOOK ]


2008 年 4 月 10 日  星期四   陰天


日有所思，夜有所夢 分類: 未分類

琴晚我發咗一個有好多蟻嘅夢。我即刻起身上網，喺search engine查到啲咁嘅嘢：

Ants

Because of the nature of ants and the widespread occurrence of fire ants, it is only natural that this little creature find its way into our subconscious as the symbol of pettiness and annoyance. But on a positive note, they can symbolize diligence foresight and teamwork. The little ant is also indicative of organization, and business discipline. In dreams where the ant is related to work issues the ant symbolizes the work ethic or lack of. To be bitten by an ant in a dream can indicate a small annoyance in your life, or if bitten by many, lots of small annoyances in life.

又好似幾準，因為公司同屋企真係有啲麻煩嘢，而且都係同「work」有關。解夢，有時真係幾靈...
發表時間：2008-04-10 04:40 PM  [ 訪客留言(1) ] [ 編輯日誌 ] [ 分享至FACEBOOK ]


2008 年 4 月 9 日  星期三   陰天


It's only just begun ... 分類: 未分類

So, "The Goddess" has resigned, and so has "The Singer".  Then, "No.9" got promoted, and so will "Big Eyes" & "The Liquid Unit".  To comfort the kids, they will all get salary raised.

There is no secret in work place, so very soon, people will all know about these things and, although I don't hope for it, somebody will leave.  The only person whom I want her to leave, is myself.

I'm greedy.  Now I get a cleaning lady, whom I give her the title "Part Time Admin Assistant", in fact, she does not assist much in admin work, except cleaning.  I'm not contented.  She only assists in saving company money, but doing nothing to assist me.  How can I tell her to call a vendor to get a quotation for office touch up work?  Kidding ...

I do have a hope, hoping to go back to the good old days.  I know it's impossible, but let me dream a little dream ...
發表時間：2008-04-12 10:02 PM  [ 訪客留言(1) ] [ 編輯日誌 ] [ 分享至FACEBOOK ]


2008 年 4 月 8 日  星期二   晴天


奧運聖火 分類: 未分類

今次北京奧運，真係令我獲益良多 - 原來奧運聖火喺希臘點咗之後、奧運會完結前係可以整熄，然後再點翻0架~

電視轉播嘅好處，係可以令你睇番成件事嘅過程。官方報導話你因為要保護聖火嘅尊嚴(？)，所以要整熄佢。但電視轉播時，見到個示威人士好似已經比當地警察「行」住，埋唔到傳聖火嗰個運動員身體喎？而且嗰啲「保安人員」好似好過癮咁，整熄完一次又一次(sorry，電視新聞剪埋一條片，搞到佢好似不斷重覆咁做，好似好好玩咁...)，咁原本好神聖莊嚴嘅聖火，又好有尊嚴咩？

今次北京奧運，係一套長篇、連續、有教育意義嘅喜劇... 笑爆咀 ...
發表時間：2008-04-08 05:07 PM  [ 訪客留言(1) ] [ 編輯日誌 ] [ 分享至FACEBOOK ]


2008 年 4 月 6 日  星期日   晴天


奧運聖火 分類: 未分類

啲人好得意，啱啱先講完話唔好用國際體育活動作政治用途，依家又有傳聖火傳送香港站會有曾特首、梁振英呢啲「政治人物」做跑手。我心諗：香港啲運動員去晒邊呀？當佢哋死0架？唔講第二個，李麗珊、黃金寶、乒乓孖寶呢？成日想人哋喺國際比賽攞獎，但乜鬼support(經濟、精神等)都冇，到依家仲唔尊重人哋，你話喺香港又有邊個仲有興趣做運動員，為港/國爭光？

問題：一向都好鼓吹運動嘅「中間界」，今次會唔會出聲呢？希望不大...
發表時間：2008-04-07 09:02 AM  [ 訪客留言(1) ] [ 編輯日誌 ] [ 分享至FACEBOOK ]


2008 年 4 月 4 日  星期五   陰天


我評「海上花」 分類: 未分類

因為寫paper，不得不看清末吳語小說「海上花列傳」。因為故事內有大量吳語(上海話 / 蘇州話)，又不得不睇張愛玲嘅翻譯本。就因為咁，愛上咗呢個故事。

今日終於download完呢套10年前嘅舊片，一看，死喇~ 上海話對白，一啲都聽唔明。不過就算係咁，我亦想一評呢套電影各位演員。

梁朝偉飾王蓮生 - 一如小說中嘅人物，冇男子條慨，講嘢氣若游絲。但我就唔覺得呢位亞太影帝嘅演技喺邊？(sorry，我唔識欣賞佢喺呢套戲嘅演出)

羽田美智子飾沈小紅 - 一啲都唔稱職。佢要用配音唔在講，佢一啲都做唔都沈小紅嘅善妒、野蠻 ... 根本就係格格不入，冇嘢講。

劉嘉玲飾周雙珠 - 有大家姐風範，一舉手一投足都充滿清末上海灘風塵女子嘅味道。但喺李嘉欣令人驚喜嘅演出之下，又只覺平平無奇。

李嘉欣飾黃翠鳳 - 佢一口流利嘅上海話令人驚喜，而且佢嘅潑辣亦似足小說中嘅人物。我第一次覺得李嘉欣識做戲。

伊能静飾諸金花 - 浮誇。還好佢只係客串 ...

高捷飾羅子富 - 戲份好似唔係好多，但就好似變成第二男主角。演出中規中矩，冇大驚喜。

羅載而飾洪善卿 - 演活咗古代中間人嘅角色，可以話同小說中人物如出一轍。

◆簡　　介：
　　侯孝賢導演的此片，描述上海英租界所謂“長三書寓”的高級妓院，據說因為清朝禁止官員狎妓，在租界則不受管制。在本片中把上海女人刻畫得太惡太過曆害，表現了陰盛陽衰，把大多數男人拍得太不中用，完全被女人駕馭，最可憐的是梁朝偉，心愛的妓女去“嫖”戲子，結果還是重投入她的懷抱。演員方面，李嘉欣最好，羽田美智子和劉嘉玲也不錯，全片為廳房話劇，完全沒有室外鏡頭，不斷大說上海話，間中偶爾講講粵語。但值得一說的是，雖像話劇，但說話舉止自然，實感很強，充滿百年前的懷舊氣息。
　　中國的宗法社會，愛情從來是不被張揚的。男人到妓院尋找愛情，只有妓院這個邊緣的角落還有一點機會。在這，男人順從的是女人的規則。19世紀末，上海英租界區的長三書寓，日日宴歌。當時的高等妓院被稱作長三書寓，在書寓放酒請客稱為“做花頭”。
　　這一晚又是賓客盈門，觥籌交錯。東道主叫周雙珠（劉嘉玲飾），是一位可愛、大氣的青樓女子，為人心地仁厚，看淡風塵，同時也是公陽裏老鴇的親生女。正當眾賓客酒興正酣之際，在同洋人打交道的衙門供職的文官王蓮生（梁朝偉飾）卻首先離席告退。他是去赴另一妓女張惠貞之約。此事極大地惹惱了妓女沈小紅（羽田美智子飾）。小紅在薈芳裏掛頭牌，但因為她生性剛烈，快人快語，少有清客敢摘她的牌。蓮生是唯一與她長期往來的人。次日清晨小紅找上門來，在眾目睽睽之下對惠貞大打出手。其實蓮生所為事出有因。他覺察到小紅同時還跟一個年輕戲子柳兒相好，並從小紅的態度上感覺到些許冷淡。為了填補內心的無名空虛，煩悶之下蓮生去找另一個妓女，結果打翻了小紅這個醋罎子。
　　為解決問題，蓮生在朋友洪善卿和湯嘯庵的陪伴下來找小紅，被小紅伶牙利齒的女僕大罵一頓。朋友在窘境中撇下蓮生逕自離去，蓮生只得獨自去見小紅。畢竟已有了四五年的感情，一番撫慰之後，二人又和好如初。
　　特殊的身份令雙珠常常在公陽裏充當家長的角色，妓女們之間的爭風吃醋需要她平息，惹上身的人命官司也需要她出面排解。一位妓女周雙玉（方瑄飾）生意非常好，取代了周雙寶地位，令寶滿心不是味兒，兩人經常為此爭吵，而雙珠每次都公平地處理爭端。雙珠看淡風塵以及練達的處世態度受到了洪善卿的賞識。
　　黃翠鳳（李嘉欣飾）是尚仁裏的年輕妓女，是個專業、潑辣和手腕靈活、會為自己打算的女人，老鴇沒辦法多欺詐她一分，她的鴇母黃二姐（潘迪華飾）一把年紀仍然姘頭無數，翠鳳經常為此生氣不已。她渴望早日脫身青樓，獲得自由。她同時自如地應付著幾個男人，其中關係最密切的是有錢又有閑的名流羅子富（高捷飾）。翠鳳一直同他在一起是因為她覺得他會為她贖身。
　　小紅看上去花錢並不大手大腳，卻欠下大筆的債務。蓮生對此困惑不解，不過還是替她結清了。一天酒宴過後，酒醉的蓮生在沒有事先告知的情況下，踉蹌地沖進小紅的臥室，結果正撞上小紅和戲子柳兒在一起。盛怒之下，蓮生將他送給小紅的禮物砸了個粉碎。蓮生斷然決定娶惠貞做妾，拜託善卿為她籌備禮。善卿力阻，卻未成功。
　　羅于富終於為翠鳳贖身。離開時，翠風將所有衣物、首飾都留給了其他姐妹。
　　春去秋來，蓮生得到提升，即將離開上海，朋友們在書寓舉行宴會為他送行。小紅過去的女僕現在為雙珠做事。從她的口中，蓮生知道了小紅淒涼的近況。但他並不想再次陷入其中，他要走了，走出這個令人眼花繚亂的“夢”……
　　海上是“上海”二字顛倒，花是妓女通用的代名詞。通過作者生動的筆觸，清末上海租界畸形社會的多方面 活動如實地呈現了出來。所以在某種意義上講，故事的背景也許比故事本身更有意思。中國是一個擁擠的國度，在這國度裏，連悲劇也是鬧哄哄的。只有在佳餚華服等細節的沉溺中，人才可得著片刻的麻醉和安頓。看了海上花，方發覺此言非虛。
發表時間：2008-04-04 07:44 PM  [ 訪客留言(0) ] [ 編輯日誌 ] [ 分享至FACEBOOK ]


« | 12 | 13 | 14 | 15 | 16 | 17 | 18 | 19 | 20 | 21 | ... | 70 | »