一套非常entertaining嘅電影，有動作、有感人、有攪笑... 非常適合週末或者放假睇嘅戲。 

不過，多心眼嘅我睇呢套戲睇到一啲其他嘢：

1.  反亞裔人士 - 點解一開始攪攪鎮嘅係泰國人(聽佢哋嘅口音)，而唔係非洲裔？可能因為Will Smith係「African American」啦...

2.  反兩伊戰爭 - 受過呢場仗洗禮嘅人會有行為偏差，例如打劫。

3.  渴望被人接納 - 呢個唔係所有人嘅希望咩？

... 不過我睇唔慣塊面連些少鬚根都刮得一乾二淨... 同埋Charlize Theron好索...

有時同有啲人傾計真係好攰。係，我好appreciate我嘅朋友不時提點我，但「經常」提點就會變成囉唆、說教。就好似我哋父母咁，你知道佢哋係關心你，但...有時真係好煩。

友人話我嘅漫不經心可能係掩飾，話唔在意其他人點睇我，其實就係非常介意。「朋友」，到目前為止，只有家人嘅說話可以傷我同令我介懷。你？未夠功力！

*    *    *    *    *

最近花咗好多時間睇「電影」。除咗飛機上嘅電影，仲有殺神特工、超低能特攻隊、一夜賭城戀大咗。有啲都尚算OK，但亦有慘不忍睹嘅，「一夜賭城戀大咗」就係其中嘅表表者。

成套戲一個字 - 悶。唔係人人都可以永世做傻大姐、可人兒，Cameron Diaz唔同Meg Ryan、Sandra Bullock，所以佢繼續喺Vegas扮傻，令我好...難頂。而且Ashton Kutcher好怪，冇外貌冇演技。最惡劣係個故事：我唔知美國係咪咁ridiculous(中文解釋「可笑」唔可以表達我嘅意思)，但如果係離婚官司，法官有乜可能俾時間你啲人慢慢攪，睇吓呢段所謂嘅「婚姻」仲有冇得玩？Britney Spears嗰單嘢都唔會咁判啦~  Absurd~!!!

唉~ 浪費咗我半粒鐘嘅時間同精神睇啲咁嘅戲，真係好攰~

太陽伯伯，好耐無見喇~  近來好嗎？

香港人(特別係我)好唔開心呀~ 因為你好耐冇出嚟行，所以我哋放假都唔可以出街；而且冇太陽，啲衫好難乾，成日都要乾洗或者用乾衣機焗衫，今個月電費煤氣費一定好「金」。

你復出係好事，不過可唔可以唔好咁熱呀？行出街好辛苦，喺屋企又要開冷氣，電費一樣會好「金」。所以，唔該你適當咁露面，溫度大約28度就OK喇。

係咁先啦，你老人家保重喇~

1.  港鐵有冇諗過consistency呢樣嘢？點解旺角東叫做Mong Kok East，而尖東叫East Tsim Sha Tsui？

2.  曾幾何時，厠所係是非嘅天堂。但今時今日已經再冇呢支歌仔唱。個厠所成日咁多人行嚟行去，想俾人知你督人背脊咩？

3.  喺睇完戲搭巴士返屋企嘅途中，我個腦只係諗住聽日大佬返嚟我整乜俾佢哋食 - 南乳炸雞翼、炸雞軟骨... 仲有乜好？白果腐竹糖水可以清熱氣潤吓喎...

4.  成日話攰，點解我個腦仲唔休閒一吓？

一向我都係垃圾片嘅愛好者 - 為求一笑之嘛，駛乜咁認真喎~，不過唔知點解，我就唔可以一次過睇完呢套戲。

其實劇本唔差 - 因為只係照抄「蜘蛛俠」，混合其他superhero電影，再加多些少白癡嘢，咁就成為一套笑片；但唔知係咪已經有Scary Movie系列，所以... 唔可以話厭，但... OK啦，呢套戲未能吸引我90分鐘嘅注意力，令我3度熄機 - 瞓覺。

可能我太攰~

自Sin City次後，好耐冇睇過一套咁重漫畫feel嘅電影。片中子彈橫飛、血花四淺、拳來腳往、死人無數 ... (太多四字詞喇~)攝影師令你有代入感，好似每一槍都錨準你、每一拳都打向你、啲血濺向你塊面... 真係好刺激~

James MacAvoy令我好有驚喜。佢一向做開比較文靜嘅電影(Antonement、The Chronicles of Narnia)，呢次做動作片，亦演得頭頭是道 - 不過最令我眼前一亮嘅，係佢正在成形中嘅six pack！正呀~

我相信因為香港生活太緊張，導致好多人精神有問題。今日我喺office就見到一個。

話說有一名精神有問題，俗稱「顛婆」嘅女人喺我整緊電腦時，走埋嚟問我operation嘅問題，我唔識就梗係direct佢去counter嘅同事嗰度啦。攪咗一陣佢竟然走埋嚟向我叫囂，話我「整古」佢。我整機都唔夠時間，仲要整古你？我得閒得滯咩？

唉~ 有病就唔該睇醫生啦~

... 放工之後入迪士尼 - 原來咁都要成個鐘頭。

... 用我部大食相機影煙花 - 又幾靚喎 ...  

... 睇完煙花先施施然去隔離酒店食dinner - 百鬆啲蚊一個人嘅咖哩「部飛」，真係好好味呀~

原來有張annual pass嘅好處，真係你想幾時去就幾時去，唔駛考慮買飛要二百幾蚊；而且又可以加幾十蚊就可以換購精美禮品，俾邊個都好啦，完全唔駛要買滿幾多錢先得~

... 不過要另外搵一日入去小小世界...

並唔係乜嘢摸住酒杯底，同人吹水唔抹咀；在我，可能只係發吽哣，望住個海，一時半刻嘅心靈平靜就已經好OK。同好朋友見面，就更加不在話下。

好朋友嘅定義，唔在於認識幾耐。認識越耐，越可以令我睇清一個人，所以有啲人會升格，由普通朋友變成好好嘅朋友；相反，有一啲會由所謂好朋友，慢慢俾我調低到普通朋友嘅級別。

日久見人心。

同Claire見面有時... 奇怪，在於佢可以一眼睇穿我：Michelle，你好像有什麼不開心的事... (國語人講國語)。我有一刻嘅尷尬，點解一個成年無見嘅朋友見到我，可以一眼就睇得出，而喺我身邊嘅人就察覺唔到？或者，佢哋只係唔關心。

Claire，我唔係唔開心，只係我似乎已經搵唔到開心嘅事同理由。喺悉尼嗰幾日，我可以用「行屍走肉」嚟形象我自己。我睇風景、影相，但喺翻睇相片時，我似乎搵唔到一啲感受，啲相好似唔係我影嘅一樣 - 冇feel。

不過，好多謝你令我相信，原來仲有人care我。謝謝(國語發音)！

突如其來嘅颱風，好適合聽呢隻歌...

疾風 - 陳百強
作曲 / 編曲:Chris Babida
填詞:林振強

* 問野風踏遍幾多長路
方可見到理想都
踏破多少波浪和荒土
至能含笑地停步
風卻沒理起始終
它只知發力去沖
從未多過問亦從沒關心
路長和浪濤洶湧
風呀　讓我一起去沖
不分春秋與夏與冬
無論多遠近
願懷著天真
披清風　默默去沖
如內心有夢便全力追蹤
不須計那天才可終
(如內心有夢便全力追蹤
好比天空疾勁野風)
Repeat *