一向多夢嘅我琴晚又發夢，男主角係失蹤多時嘅Solo。佢唔單只再出現，仲喺夢中咀咗我一嘢。攪乜呀？做乜又現身呀？個故事已經完咗，唔會有續集架喇~

P.S. 我依家喺機場，用緊PCCW嘅免費WiFi上網，signal好勁，真係好。

琴日喺網上做咗一個test：

  http://web.tickle.com/tests /celebrity/?a_code=gZq2GZk4GJgq gJc8gBq3GJg1hJiZGraYgRg2GJm0 

結果如下：

Obviously, a cutie like you is paired with sweet and adorable Jake Gyllenhaal. (「斷背山」 / 「明日之後」果個 ...)

You're tight with your best buds and always willing to lend a hand when someone needs it, whether it's taking a long bike ride, moving to a new home, or mending a broken heart. You can't help it — you're a great friend. And your date should be too. Now that's lovely & amazing!

死啦~ 好似唔似佢竟然似Solo~ 我好辛苦先甩難咋，唔通又嚟過？唔好喇掛 ...

又嚟啦，我又要做決擇喇。今次又係轉工。

OK~係你你會點？你會喺依家間公司繼續比一啲已經唔係你老細嘅人點，定係去一個新環境，睇吓有無境。依家我係一條「掃把」，轉公後就係Ger。人工差唔多，老闆亦係舊時果個，唯一差別係唔駛 / 無得飛。

好煩。我依家希望公司dun我，我就可以攞住一大舊錢轉工。

一個我唔知係talk show定係話劇嘅...show。喺一個父系氏族嘅中國 / 香港，有一個咁女性嘅節目，係咪好令人期待？所以場場爆仲要加場係正常嘅。

我去睇呢個show，50%係因為佢嘅題材，30%係因為羅冠蘭，25%係因為郭錦恩，剩低5%係焦媛。但令人意外嘅係，焦媛嘅演出非常出色。佢可以恰當咁演繹小女孩嘅聲音同神態，可以完全放開自己。羅冠蘭唔知係咪入咗公仔箱，所以有啲造作。郭錦恩呢個鬼妹完全記得晒所有廣東話對白，又係另一意外驚喜。

個show講所有平日女人唔敢講嘅嘢：陰道、陰毛、陰核、性愛、高潮、性興奮、造愛 ... 仲有粗口！女人可以完全擺脫平日比人攪到鵪鶉晒嘅形象，想講乜就講乜... 最精彩嘅係三個女人喺台上面呻吟，唔知啲男觀眾有無啲心跳加速、口乾同...某啲部位擴張 ... 我嘅意思係因為佢哋大膽同性感嘅言行而有啲目瞪口呆？

不過，有一part講到女性喺性嘅層面受到不公平對待 - 強姦，真係好令人痛心。而就後就以一個女人喺現眼目睹個孫嘅出生讚頌陰道嘅偉大。呢個show個叫Vargina Monologue一啲都無改錯名，陰道嘅自白，只不過係經過女人個口講出嚟。

本文並無歧視成份，純粹記錄琴日我喺老鼠城嘅所見所聞。

(1) 內地同胞非常熱情，喜愛身體接觸，所以喺排隊時經常緊貼你嘅背後，仲會喺坐低嘅時候同你「擠一點」(請用普通話發音)。

(2) 佢哋喜歡「快人一步，理想達到」，所以不時會喺你背後「推你一把」，唔係就好似無綫咁「走在最前」。

(3) 佢哋大部份都好親切，不假手於他人，所以玩完機動遊戲會自己「開門」離開，唔駛工作人員操勞。

(4) 有啲內地同胞好為他人設想，怕老鼠城地方空曠而且人多，所以講嘢時會大聲啲。

(5) 佢哋有原則，話咗咁就係咁，一於無情講。所以話之你啲工作人員扮卡通人物扮到就嚟死，佢要同你影相，你就一定要同佢影。

以上只係冰山一角 ...

今次係帶我個姪仔輝輝去。

原來呢個細路仔嘅要求好簡單 - 好玩就得。有時我會覺得因為我哋屋企唔係有錢人家，唔可以帶比佢豐富嘅物質享受，而覺得有啲內咎。我唸就正因為咁，承諾帶佢去一次老鼠城，就可以令佢萬二分期待；而我嘅守約，就更可以帶比佢開心嘅一日，同喺面上比我見到市面罕見嘅童真笑面。可能對一啲經常可以四維去嘅細路嚟講，香港老鼠城唔係啲乜，但我相信今日比咗我同輝輝都有千金難買嘅經歷 。

就喺今日，我更愛香港老鼠城。

上次講到忙，我真係有啲感觸。

我自細唔係有太多忙嘅經驗。以前開OT係因為拾枱，有時係因為等人去街，近年就有因為唔想返屋企，同埋啲唔生性嘅人喺我放工離開office之前先call我。真正做到唔可以早放工少之有少。

我啲朋友成日開OT開到日月無光，我就成日都唸：點解？佢哋好多嘢做？佢哋老闆衰？又或者係佢哋開公時「吞pork」？佢哋做嘢手腳慢？

已經9點3，再唔開工，我都要開OT ...

成日聽到啲人話忙。究竟佢哋忙乜？點解忙？我好有興趣知。

對於我自己，大部份時間忙係因為「懶」，呢個字係我嘅死敵。還好我因為仲未想食西北風所以都仲可以壓制吓。但有時，外在力量會令我有好大壓力。

啲美國佬最叻就係叫人做嘢，而且唔會理你做緊乜，一於就要先做完佢啲嘢。注意：係「先」「做完」，即係要快靚正，你死都要死比佢。超~ 如果可以，唔該你哋自己落order，睇吓啲第三世界國家睬唔睬你？

越嚟越憎啲美國佬~

涼冬。

一直都好鍾意秋冬果種灰灰嘅感覺，好match我嘅心情。(註：唔講唔知，其實我一直係一個灰色嘅人，衣著如是，心情如是) 但今日，一個weekend，無太陽，微涼，我嘅心情就好似今日咁灰。

無原因。

又係一個fun gathering。今次係第二次同呢一群「小眾」見面。我一向對gay都唔會有歧視，今晚我就更覺得佢哋可愛。辛辣嘅嘴舌，就好似一班大細路咁互「寸」，好cute。而且佢哋扮女人，真係比好多真女人「正」。(起碼我就係喇 ...)

可能係我自己太隨性，乜都唔緊唔要，所以睇唔過眼身邊啲人乜都咁緊張。一餐casual dinner，點解要care係乜嘢dress code？點解要care邊個係邊個？只係同一班「工作夥伴」食飯，it's not a big deal。仲要，點解要成日mention CU果intervire會點點點？我報名只係想了一件心事，畢竟我都投資咗多時間，不了了之咁唔再繼續唔係我嘅性格。我唔需要人哋覺得我點勁，有錢(當然仲要有心)邊個唔可以係碩士博士？