我今日一次過update返晒上個禮拜嘅diary，打字打到手軟，但最攰嘅係我要recall成個禮拜發生過嘅事，真係少啲記憶力都唔惦~

不過總算了咗件心事，聽日又可以再開始新嘅一個禮拜喇~

今日我正式成為老鼠會嘅會員，因為我買咗個全年pass。

今後我可以得閒就入吓去食lunch，又或者買吓糖食，甚至影吓相。嘩哈哈 ...

廸士尼樂園，今年我哋會成日見面0架喇~

P.S. 雖然我幾十歲人，但係都仲好有童真0架~

我比人圍呀~

話說果日當我完成晒整個training，準備離開公司去行街街之後再返酒店收拾行李第二日返香港，有一班人話要「見我」。大佬呀~ 我只係一個小職員，過嚟泰國做training順便休息吓咋，佢哋就當我係伸訴專員。仲有呀~ 我未見過大場面0架嘛，咁嚇我會嚇死我0架~ 不過，好在我都唔係「省油的燈」，咪見招拆招囉。哈~ 又比我過骨。

識我嘅人唔該唔好嚇我，我心血少，唔嚇得0架~

原來我去親外國嘅時候會落雨嘅詛咒並無解除，而帶傘可以擋咒係真0架~

話說我未到曼谷時(19號)，機長話當地天晴仲好熱。我落機、從機場去市區再check-in酒店，一直到我哋一行三人(我啦，泰國個同事同佢條仔)去昭柏耶河邊嘅餐廳食晚飯時都無事。就喺我哋等枱嘅時候，一滴、兩滴，跟住就倒瀉屎咁落大雨，足足落咗成個鐘，亦即係話我哋企堆一邊等枱等多咗一粒鐘。唉 ...

第2朝返工時都仲有太陽，但差唔多要出去食lunch嘅時候又落雨。好在Central離office唔係好遠(其實係好近，行2分鐘就到)。不過好在放工嘅時候又好天番。

哈~ 唔好諗住放工好天就無事，其實係仲大鑊。話說過咗midnight就開始又落大雨，仲行雷閃電。場雨一直落到第二朝7點。好在office開10點，而當我喺9點離開酒店返工時已經出晒太陽，開始炎熱嘅一日。

See~ 個詛咒係0存，下次離開香港我一定要帶傘 ...

P.S. 我9點出去返10點嘅工係因為我要「掃街」食早餐 ...

其實我今次去泰國係做training，但我就有啲似放假。一早起身先去做gym，返房洗完頭沖完涼就開始「掃街」(因為酒店唔包早餐，所以要自行了斷)。  係喇~ 我係住喺四面佛隔離果間「驚hi嘢」(Grand Hyatt)

酒店附近係Big C，一間超大嘅超市。佢外面嘅街邊有各樣小食，又平又好味。食飽早餐都只係50「匹」，即係大約10蚊。返到公司就「講吓書」，咁又中午。百貨公司Central嘅Food Loft 係一個好好嘅食晏地方。對香港人嚟講，价錢平唔在講，最重要係多choice。喺曼谷3 個工作天，我就有2個lunch喺呢度解決，而另一日就喺Big C嘅一間餐廳仔食地道泰國嘢。

Hea吓hea吓又放工。我嘅第一站係去做massage。350「匹」1粒鐘都算OK，不過serve我果個「師傅」個size有1.5個我，而且佢又大力，攪到我又叫又笑。不過做完真係好舒服。

最後一站係dinner。我喺出差嘅唯一享受，就係用公司比我嘅allowance食好嘢。所以我去咗Siam Paragon地下嘅一間中菜館食翅。再行吓supermarket先返酒店。你話喇~ 我究竟似去渡假定去開工???

香港 - 當我喺機場等上機嘅時候，發現一批好嘈嘅人。起初我以為係大陸人，聽真啲原來係韓國人(因為我根本聽唔到佢哋講乜，同埋佢哋成團人個袋都一樣有韓文)。我終於知道乜嘢叫「天外有天，人外有人」。

曼谷 - 呢次係我第一次到呢個新機場，而且係勁大。我落咗機急急腳都要行10分鐘先到海關，不過個baggage claim就超慢。算啦~ 第三世界國家係咁0架喇 ...

呢部電視劇都有啲野心，想拍啲唔一樣嘅嘢，唔係齋靚仔靚女，而係一個肥女胡杏兒同唔靚仔嘅許志安。我好鐘意佢哋喺劇中有一句對白：肥人都可以靚，肥人都可以有幸福。事實係咪咁暫且不談，但係起碼比我呢啲肥人有個希望。

所以纖體公司唔該行開~

對於一啲成日幫趁老麥嘅人，呢個可能唔係乜嘢新食法，但我就真係到呢一日至知。

雪榚新地加薯條

嘩~ 果種一凍一熱嘅感覺真係無得頂。就好似喺冰天雪地下浸溫泉 - 雖然我未試過，但可以想像。 如果仲未試過嘅朋友，就一定要試吓喇~

First of all, HAPPY BIRTHDAY to me~

I had a very GREAT birthday today.  A day off from office - which is a paid day that I am entitled to the salary of today.  Then, I worked an one-off job that I earned some money.  And I had 2 facial treatments which were claimed to be very expensive.  Also, I had a good dinner with my wise friends.  Last but not least, I got so many birthday greeatngs (SMS & e-mail) from my friends.

This year, I have money, day off and friendship which made me feel GREAT.  Even none of my family remember today's my birthday, I really don't care.

HAPPY BIRTHDAY, MICHELLE