一個普通嘅星期日，不過我喺LA。

就好似平時出trip一樣，星期日係出街日。我話過呢區係工業區，最近嘅mall到要到10幾里外，所以唯有搭酒店shuttle去。

第一站係 Del Amo(好似話粗口咁~!)呢個mall大就大，不過無乜嘢賣 / 買，就算有都勁貴。但落咗車就要等2個鐘先有下一班經過，唯有行住得囉~

第二話就比較好啲，South Pacific Galleria起碼有多啲種類嘅舖頭。不過行2個鐘都要好有功力，我就唔得喇。不過我喺日本出現嘅問題又再出現 - 行錯路，所以我miss咗班車。橫掂都要等2個鐘先再有車，就行多一陣(差啲攞我老命)。越行越攰就走去買晚餐返酒店，然後搭的的囉。

就好似每次出差一樣，返酒店即係開公。所以就一直做到依家(就嚟12點啦~)，不過有電視Sister Act睇，OK啦~

P.S. 我諗我「貴人出門招風雨」呢個詛咒，已經比我上次帶遮出差打破咗啦~今次雖然無出太陽，但起碼都無落雨呀，我好滿足0架啦~

今個月好激 - 因為小女子我又離家出門。今次係美國加州嘅Torrance，離洛杉磯機場只需15分鐘。

由於係夜機，我上晝先pack行李。出門多咗，就應該唔會咁緊張，但我就係萬二分緊張。(特此澄清：「出門多咗」一句完全無晒命成分)11點半機，7點就出門口。一切都好順利check in、入閘、登機、起飛、到埗。當中我最滿意嘅係13個鐘嘅航程，我起碼瞓咗8-9個鐘。

不過入境就唔多順行。首先啲海關做嘢嘅速度可能係全世界最慢；then，佢哋嘅detail程度無人能及(e.g. 你做乜存？你嚟做乜？幾時返去呀？)Come on，我留喺度做乜呀？你有寶呀？超~!

用咗大約45分鐘，終於可以去攞行李，但一班機嘅行李分兩條運輸帶出。見過未呀？？？不過好在搭的士過程就非常順利，我將抄底嘅酒店direction比司機睇，一睇就明，15分鐘就到。

不過呢間酒店好掂。房入面有蒸餾咖啡機，但煲水呢？自己諗啦，我就用蒸餾咖啡機煲水喇~我都知方圓幾里都唔慌有(好)嘢食，所以帶咗杯麵嚟，但估唔到房入面竟然連叉到無隻，今次真係無叉用...

事情嘅起因係日本著名嘅快餐連鎖店Mos Burger將於觀塘apm開業，而佢嘅米堡同蝦堡一樣出名，所以一場去到日本，點都要一試。

其實喺啱啱到步後，我就開始搵Mos Burger，但係搵唔到，就先行作罷。就喺第二日當我行到半死時，竟然比我喺上野搵到，咁就一定要食個蝦堡喇。由於係即叫即整，蝦堡上枱時依然熱辣辣。蝦餅彈牙、蔬菜新鮮而且醬汁美味。一個字 - 正！

Then，有一晚行銀座行到就死嘅時候，入去老麥一看，佢哋又有蝦堡喎，不過基於曾經話過唔會去日本食老麥啲飽，就只係飲汽水、食薯條蘋果批等運到。

Finally，琴日喺日本食最後午餐時，因為食到唔知食乜，乾脆走入Lotteria食晏 - 蝦堡餐。佢哋啲蝦堡都係即叫即整，但唔知點解唔夠Mos Burger果啲熱。奇怪~

之後由於喺腦海中出現做蝦堡一比拚嘅idea，就返轉頭去老麥買蝦堡，留返搭Narita Express時食。唔講佢係唔係凍咗，但塊蝦餅都無理由會散0架?!

以上三家快餐連鎖店係參賽者。比拚結果係由Mos Burger勝出。佢哋嘅蝦餅非常彈牙而且扎實；Lotteria嘅就有少少散，但還可接受。老麥就慘不忍睹，蝦餅又散又無味，實在令人失望。

Mos Burger就快喺apm開業。佢哋啲飽唔錯0架，比老麥係就係貴咗啲，不過物有所值。試下啦，你一定會話好(sorry，呢個唔係Pentene廣告 ...)！

行程如下：

新宿 - 喺酒店睇電視、上網，食完早餐再上網、check out之後就出街。但係之前要買車飛去機場。OK，攪掂就正式去街。

原宿 - 竹下通、神宮前、我最愛嘅Kiddyland都係我一定要去原宿嘅原因。更好嘅係，我見到羽鳥慎一，一個高大靚仔兼有料嘅新聞節目主持人。(註：182cm原來真係好高0架~)

http://www.ntv.co.jp/announcer/new/profile/s_hatori.html

返新宿 - 食晏 - Lotteria嘅蝦堡。OK啦~ 之後就返酒店攞行李，再用半粒鐘由酒店行去車站，勁呀~ 鬼咩，拖住個幾十kg嘅行李，想行得快都幾難。

新宿車站 - 由於我買嘅係兩點幾嘅車，而我去到車站只係點半，就改車飛走人，正式結束五日東京之旅。

由香港去東京時航程只係用咗3個半鐘，心諗返香港睇怕都係咁上下，點知日本時間6點(即香港時間5點)起飛，要香港時間9點半先到。架機已經飛得慢，啲服務又差，真係辛苦~

香港時間11點，安全抵達屋企。Sign off。

超攰嘅一日。係因為今朝喺新宿行嚟行去，掃100日元店，再返酒店，再出街。女人嘅小宇宙真厲害，100日元店都可以「掃」。

第一站係去行mall - 海浜幕張，途中品嚐傳說中嘅「駅弁」。已經行咗咁多日嘅我實在忍無可忍，買咗對新Nike鞋 - 再行，但實在行無可行，所以搭車走人。但的唔係返酒店，而係中途落車去東京迪斯尼樂園 - 門口。諗住行吓、買吓嘢，但真係買唔落手，香港果啲靚好多~影幾張相就走人，今次係去銀座。其實目的地只係一間叫做「玩具博品館」嘅玩具店。完全搵唔到我想搵嘅玩具 - 不過其實我都唔知我想搵乜~ 所以，算啦~!

銀座呢個地方真係好掂，乜鬼都貴到死，仲有係好難揾老麥。又一個節目令一行到半死~千呼萬喚終於到約定時間，食飯、講是非，又一餐。返到酒店又進行每次都有嘅重點節目╴收拾行李。

好攰~

TV time again.  It's a drama named 我為我生存 (NTV).  It's about a boy who wants to be a girl so much then he dresses the way girls do.

So unlucky that everybody around him does not support - his father turns his back to him, his friend stays away from him and his existence also causes troubles to his family.  The fiance of his sister retreats from the marriage proposal ... seems everybody around him disagree with him.

As a drama, it always have happy ending.  At the end, everybody shows their understanding and the boy happily turns into a girl.

What I want to say in a conservative oriental family, transgender is always not allow.  You should treasure the gender that you are given.  You should not have any second idea of changing it, or prefer the other sex.  But once they do, how come the loving parents cannot take that?  Can't they kids have their own thoughts? 

如果無能做到包容其他人，至少包容自己嘅家人，令佢哋感受到屋企嘅愛。

喺我咁多次嘅外遊經驗中，除咗落雨，就係行錯路、搭錯車。今次亦唔例外，不過只要搭番一個站就OK。

今日去咗一個一般旅行團唔會去嘅地方 - 柴又。呢個係當年電影「男人四十慐居居」故事嘅場境，同時亦係一個有歷史意義嘅地方。因為呢個鎮仔有個地方叫矢切，佢有一條自幕府時代就有嘅渡船服務。以前啲人搭佢過對面河耕田，依家就只係只有觀光用途。

下晝就去番一啲指定嘅地方。先去上野嘅二木果子買手信，返酒店再去澀谷再買手信。行夠買夠就食晚餐。今晚好豪，食咗一個雞泡魚餐，成2百幾3百蚊一位架~

題外話 - 去旅行最衰莫過於有親戚到訪，所以呢我幾日都死吓死吓咁。寄語各位 - 如果有日你嘅同行人喺旅途中成日喊攰、容易發脾氣，請容忍 - 因為女人嘅姨媽每個月都經常不請自來，而且叫都唔走；一係就叫極都唔嚟。點解男人無姨丈到???

琴晚睇一個關於由100個藝能人選出嚟嘅最佳卡通嘅節目，喺呢度同大家分享吓個結果。(我只係記得咁多咋~)

19.  美少女戰士

??.  Touch  (和也死嗰一幕再睇都仲想喊~)

10.  我係山T女福星

7.  小甜甜

5.  機動戰士高達

3.  叮噹 (註： 我都係唔鍾意「多拉A夢」個名 - 因為叮噹陪住我哋長大)

2.  龍珠 (仲要係孫悟空果個故事，即係第一輯)

1.  雷朋3世

嘻嘻~ 除咗雷朋3世，我全部都有睇~

第2日。今日好忙，因為去咗好幾個地方。

一日嘅開始在早餐，我就喺酒店嘅「小餐廳」食。因為琴晚5點幾(香港時間4點幾)食晚餐，所以今朝好肚餓，食咗幾個飯團同一碗味噌湯。好飽！

因為時間仲早，所以食完嘢就返房。就好似Angel講，喺外國聽唔到商台，唯有聽港台。我諗下個禮拜去美國都係咁。

實在諗唔到有邊度非常來想去，所以就近近地喺東京市內玩啦。

第一站係去江物戶東京博物館，睇最後一日嘅兵馬俑展覽。笑爆咀 - 中國嘢要去外地睇。不過因為佢哋，我第一次因為自己係中國人而感到驕傲 - 二千幾年前就整個咁巨型嘅墓穴喎？！如果啲人話埃及人係外星人，秦始皇同佢啲靚都有可能係。

之後去咗台場。無乜特別，購物中心一大堆。去吓呢個麼、去吓果個麼，咁就4、5點，天黑囉。影吓夜境咪搭車返酒店囉。不過返酒店之前喺歌舞伎町博多天神食咗碗麵，再買啲口立濕，就返酒店喇。唔好話我咁早返酒店，當你試過同我去旅行，8個鐘入面行咗7個鐘就知會點攰法。

又係日本。無錯，我依家係喺日本，住喺新宿嘅東橫Inn。今次係飲飲食食之旅，所以到依家為止，已經食咗Shabu Shabu、買咗巨峰提子返酒店。聽日食乜？聽日先諗啦~!

新發現：新宿站東口號嘅My City已經改名為Lumine Est，果度嘅留言板已經成為歷史喇！

有啲攰，聽日再打。