今日境然唔知醒，起身已是八時三十分，於是乎用最快的速度，去到富貴食早餐，食完就返主日崇拜(仲見到阿北)、肢體交通聚會，肢體交通聚會由黃 sir 同 madam Chan 負責，我地大家玩得好開心，我有幸同子峰媽媽、址晴媽媽、madam Lam、周 sir 、隊牧......等等一組，最後我地個組得到第一名﹗

之後我就要幫瀚葆哥哥婚禮練詩，今次練詩由陳老師做指揮，她還指導我們許多唱歌的技巧.......(不過我依然唱得唔好..... ) ，未唱完我就要先離開，到教會辦公室中開會，一開就是三小時了.............﹗

開完會五點，與黃 sir 同 madam Chan 一起到沙田廣場，我們一人買了一個睡袋，之後我就去左剪髮，同個理髮師傅傾計，最後個頭比佢搞左成個鐘，但係個頭.... 唉....你地星期六見到就知架啦..﹗不過個日唔該唔好過黎好似睇動物咁睇我........﹗

晚上回家家庭樂，與父母吃晚飯，打比韋生、吳小姐，傾左幾句，最後韋生因媽媽要返大陸，所以星期日不能探望；另外星期日會同吳小姐傾下計，我與 madam Tse 傾過會約吳小姐食 lunch (個日就等嘈蛇請佢地食飯，順便慶祝 madam Tse 生日)。因為約唔到韋生之原故，所以我通知 Madam Ming ，Madam Ming 安排我們去探另外兩位隊員﹐所以明天晚上就要約他們了﹗(為我祈禱)

整理晒一齊後，諗住同朗傾下 icq ，點知一將隻眼仔插入個電腦入面就死機了.....﹗哈﹗整返後，佢又 away 緊，唔知佢係咪好忙呢﹗就係呢個時候，家姐、姐夫突然出現係我家，上來聊天，聊了差不多一個小時，也津津樂道。

p.s. bb 小貼士 : 今週生日之 BB

鄧冠浩(4)、Madam Tse(7)、周宏俊(8)、梁康琪(10)、Madam Bobo(10)

當你見到佢地時，記住同佢地講聲生日快樂﹗