SORRY呀,大家....我近排沉迷o左o係出街蒲
所以都冇乜打到blog呀..出街蒲o既原因係一o黎X'mas啦
二o黎..唉...想借同朋友出街消愁,廢事自己成日諗起..佢
HAHA..好彩呢幾日都玩得好開心...依家打o左24號先..
遲o的再補o番25同26號..希望大家都能夠新年快樂..!

12月24日  X'mas Eve
o個日其實朝早我都唔太記得做過o的乜o野,但我記得我同城城msn
之後,差唔多一點到我就去o左城城屋企傾計啦...
好耐都未試過咁同佢傾計啦-\/-..真係幾爽^^...
我發現o左佢間房入面原來有某o的o野卡住..XD..笑到我死o左..
之後傾傾下,傾到某某人的惡行..大家都有同樣o既感覺..=]

跟住,陪蔡冠去M記等呀包,蔡耀,AVo黎到打機..唔明白點解大家都遲到= ="
然後佢o地人齊o既時候,我都廢事阻住佢o地打機...
而且MHP2都唔o岩我,所以就o番o左屋企先,o番到屋企無無聊聊咁打winning
同埋同人msn chat..之後,哇...原來啊媽整o左我最喜愛o既白汁海鮮意粉
正呀..><!真係好好味..食完都差唔多五點幾六點...跟住就落o左去搵mary
跟住一齊去o左M記搵打機o個班友仔..再同AV加Mary周街兜兜,搵下o的tie幾錢
好鬼貴囉-,-...o番返去M記AV就買o野食啦..陸續就o黎齊唒o的人
關健食兩個包= ="...一路食一路唱男人KFC..聽到真係好想笑..xDD

之後,我o地本身就約o左肥菇同埋個小學fd..但係Mary就唔太想個小學fd o黎
所以就昆o左肥菇..我o係度講多次,對唔住呀,肥菇><!!!之後,我o地就塔巴士去mary家
落車o個時發現原來o個度係富善..我o係度諗咁點解唔行過o黎呢= ="..
跟住行行下,見到個街名比人改o左做魚"皮"角..haha..影低o左
途中...AV,呀包同關健係咁發功..笑到死..xDD..o個度真係好鬼隱閉..
o的路又窄呢..夜晚行都幾淆...跟住,,唔記得邊條友話條小徑好陰森..係唔係叫陰"徑"..XD

呀包就隨處丟低佢個M記餐...上到Mary屋企..都幾大下..但衰就衰o左交通差
可能係村屋o既關係...跟住呀包,關健,Mary,同AV開台打麻雀..haha..
而蔡冠就玩電腦..雖然我唔識打牌..但係睇落我都覺得好好笑,,XD
之後玩啦玩啦..MARY就好似要入房拎部PS2出o黎..我o地就拎佢o的牌o黎換..XD
跟住換換下,,換到AV清一色...hahahaha...笑死o左..跟住就冇打牌啦..

上到去佢天台..佢個天台都真係幾正..可以睇到星..城城同呀包就o係度打機
我,AV,關健同Mary鋤DEE...哇..真係好爽囉,雖然贏得唔多,但一路望月加星
一路玩..人生一大樂事-V-..然後關健o係度播Lonley Christmas..都幾應景下..
跟住愈玩愈凍,所以就落o番去...睇o左一陣電視..就開PS2玩啦..玩o個隻party game
我同AV加Mary玩玩下,城城同呀包都加入戰團..真係好好玩同好爽...
唔明白點解關健唔玩= ="...跟住Mary啊爸啊媽o番o左o黎..買o左o的蝦條o個o的比我o地食
真好人呢..x)...之後繼續玩..原來我玩o個隻game真係好神.hahaha...
之後玩到十一點幾啦,,我o地就走啦..走o個陣時,,AV同我o地做o左個心理測驗..笑死o左..XD
我o地見到個似曾相識o既M記餐,,跟住笑o左一陣..就繼續行啦...又經過呢條陰"徑"..ha

o番到富善都已經差唔多十二點,跟住大家就Merry Christmas...
去o左買啤對...得呀包一個唔飲..真係掃興囉..跟住原來我o地買多o左一枝啤..
我,城城同埋關健夾手搞惦埋佢,但佢其實AV仲有成大枝= ="...
終於KO o左,我同城城都ringring地...真係雖然思想仲係好清晰.但腳步就有o的浮雲
之後就走啦...我,關健,城城就撞到龜..之後o係公園鋤多o左一陣DEE就走啦..
同關健,龜一齊走..跟住陪啊龜吹多o左一陣水..就o番o左屋企啦...
呢日我真係玩得超HAPPY...X)
當日仲影o左好多相..大家如果想睇的話,就去相簿o個度睇

對不起,我愛你!!

今日,,朝早7點就醒o左啦,,因為本身約蚊蚊去練歌
但係我打比雞o個陣時,,佢cut o左我線,,真係超無奈= ="
跟住就整下o的o野咁啦..整o左都唔係好耐..
今日朝早冇食到早餐,,因為好快就聯歡
跟住去K17個站等煒哥佢o地,成大班人行過去...
大家都著o左不同o既便服,真係一年得兩日先可以咁樣著o番o黎
之後,,集隊聽o的老師o係到吹水...超無聊囉...
跟住就上o左去禮堂聽o個o的敬師活動啦,,
但其實個禮堂真係好細,屈唔到7Form一齊= ="..
台上面o個兩個司儀著同一款衫,只係唔同色咁解,,搞到好怪><

跟住聽o的學生會o既人同埋Form Seven唱歌,,
聽到o個個學生會o既人完全跟唔到個拍子,,真係當場笑死XD
我o地睇完同埋聽完o的敬師活動之後,就同關健,蔡冠,AV,煒哥落o左去
落o左去等o的o野食送過o黎,,但等下等下都等o左成十幾分鐘
然後,,原來得一盒o野架咋= ="...搞到兩條友就可以拎到盒o野上去
hahahaha....辛苦唒蔡冠同埋AV啦...之後塔Lift上去啦..
撞到Miss Leung,竟然唔記得我o地係乜班..XD

上到去就幫手拆開個盒拎o的o野食出o黎啦..跟住就o係度食啦..
哇,,o的o野食都真係幾好味...由其是串燒同埋碟飯,,又唔係話好貴
都真係幾好...食完o野後,,同蚊蚊練o左兩次歌咁樣啦...
然後,,我o地就玩扑傻瓜呢個經典遊戲,,我發覺原來有時玩o番o的舊o野
一玩落都真係幾好玩,,見到你係咁比人嗌然後比人扑中..真係想幫你擋
但咁遠擋唔到= ="....好彩我呢o的好少比人嗌同埋扑架姐..XD
大和極好笑,,係咁比人嗌頭盔..=],,而mary就不論男或女都嗌佢個名..
可能佢係人妖啦..haha....跟住好開開心心咁就玩完遊戲o個part...
抽獎啦,,唉,,估唔到我最尾都係抽到一個唔知乜o黎...抽唔到獎o個o的都唔洗唔開心
啊sir話會補o番份o野比你o地,,我諗啊sir唔會昆人掛..
然後大家夾手夾腳執o番好o的o野...我知道應該有人唔鍾意我o地播歌個環節o的歌
所以我o係度同大家講o番聲對唔住,,,因為我都唔知大家想聽咩歌..

小息時,,同蚊練多o左三次...o個時大家都好緊張= ="...
練完之後,,我就入去搵o番維哥佢o地班友仔吹水...
跟住就集隊上去禮堂睇歌唱比賽,,我同蚊就去o左後台到準備下咁
本來我o地練得好o地o地,,排唒出場點樣做去搞下氣氛咁樣啦...
明明傾好唒..仲諗住做下o的動作會拎得高分o的...
o係度睇o的人表演啦..但水平都係麻麻地..冇個特別唱得好聽

之後,,出場o個陣時都有o的緊張,,跟住就開始唱啦..到我唱完頭o個段之後
發現o的音樂有問題啦..跟住,,再o黎多一次啦諗住..但係o的音樂都仲係有問題囉
跟住,,我同蚊就繼續唱埋落去啦...唉..我都超唔開心囉...明明以為可以拎獎加嘛
無啦啦o的音樂有問題,,搞到大家都唔知點好,,蚊就梗係仲比我更加唔開心啦
因為佢付出o既時間同埋努力都好多,,一次咁音樂有問題搞到佢咁...佢又點會開心呢
雖然唔太關我事,,但都好似覺得對蚊蚊唔住咁...之後,,聽到個結果真係冇o野好講
走音o既都拎到獎..不過,,算啦..佢o地拎唔拎到獎都唔係問題,而係點解我o地o的音樂有問題
跟住你就入去同學生會o的人傾啦..頂..學生會真係廢o既,,都聽唔明我o地up乜..
收啦佢o地仲o係度推卸責任,,我o地都唔係最後一日交隻碟比佢o地..點解佢o地要琴日先check
如果真係知道唔夠時間的話,係唔係應該早o的去check o的碟有冇問題呢
出到o黎仲要比雞lee o係度嘈..頂,,佢都唔知我o地up過o的乜o野....
就話我o地講o野o既態度差wor...佢都唔講道理o既..恃住自己係老師就唱我o地
佢連你都話埋一份,,本身都已經唔太倨,,更加唔倨囉...之後,,走啦,,諗住去唱k
但去到o個邊就冇位,,所以最尾都冇唱到,同楊康加煒哥o係街上托o左陣

跟住,,我o地就去o左豆王o個到食o野啦..求其叫o左樣o野o黎食..唉
我真係好唔明白自己點解食完之後唔同你一齊走...之後同楊康去o左吹水
吹到咁上下..就打比煒哥去佢o個邊..唔知點解自己好鬼淆底,真係好冇用= ="..
然後,,周街行下咁啦..散o左後同關健加mary去o左八號度吹水啦...
我好後悔自己之前冇信到你..所以我真係..想同你講,,對唔住!
聽完關健講後,,我一定會相信佢講o既一切,,
同埋我應承關健你,,我唔會再亂諗o野,,唔會再自己有機會亂諗..
我今日都玩好開心=]..所以我亦都會應承自己唔會再作任何無機會o既假設...