今日下午同Beatrice去左香兒(香港兒童合唱團)試音。去，係因為想BB試下係陌生環境接觸陌生人，與他們傾談。去之前(兩個星期前)已經話比佢聽，如何想係入CHOIR，係其他人面前表現自己，必須TALK MORE & BE BRAVE。BB本身係好鍾意跳舞同唱歌，所以佢好珍惜今次機會。

BB下晝其實已經好攰，到何文田時瞓著左，我開始好緊張...考試前瞓著左，起身時咪好容易鬧情緒...好彩，一到要準備的時候，BB好似上身 口甘，立刻彈起身，好似冇瞓過一樣！BB, 你好勁呀！入左去一陣就出番嚟(BB好滿意個種樣)，BB話入左去之後唱完音階及TWINKLE,TWINKLE就完啦！香兒真係好好賺！(每人要收30元報名費架！)

不過見到有D細佬喊左出嚟，又再慨嘆香港教育！要入名校，除左讀書好，仲要參加好多課外活動...可能班細佬都唔知嚟做MUG...我地嚟，係幫BB爭取多D面試機會，因為佢遇到陌生人比較怕羞。即使香兒唔得，ESF本身都有CHOIR。再一次為香港教育慨嘆！

今個星期輪到BB帶DRAGON回家過週末。今夜為BB同DRAGON映相留念。因為BB星期四要交JOURNAL(只係一幅相及畫D東西交功課)！有意思！

再一次觀賞「女王的教室」結局，更感為人老師的，真的要起碼睇一次!

因為若您覺得沒什麼大不了，可能您已經失去了教學的那份熱情!你更要睇「女王的教室」一次!

讓您再一次感受一下，學生與老師之間的那份情，無形地形成的那份真!學生對老師的那份尊敬是需要時間形成的!

各位有心的老師，學像真矢老師一樣，我們携手一起努力罷!

女王的教室最後一天拍攝花絮

女王的教室片尾

今日下午去左係去日本認識的小男孩Adrian個細妹Annabel4歲生日會。有時都唔明白Beatrice係唔係太有個性。往往同其他小朋友有點隔膜，不懂與其他小朋友主動溝通。佢呢種性格就有點似我，真係不濟---以至影響自己與別人關係。唉!

Beatrice比心機呀!

每次返學係枱頭見到和美天真的笑容，真是為生命注上無限生氣!

好景不常......忙左一個星期，放學仲要上講座，真係有d想死!

又一個十點鐘回家!

差點忘記了十月一日國慶這個大日子!

今天下午到了一個關於「一個星期如何辦好國慶」及介紹一本有關中國在1949年成立中華人民共和國以來，新中國在各方面的進步。講者嘗試經常提醒我們，雖然我們經歷了殖民國百年的洗禮，但我們流的是中國人的血這個事實是永遠不變的。 

要做好國民身份，最緊要首先是認同自己是中國人。這一點非常重要！

會後到了festival walk 又一城跟Beatrice同太太參觀了一個由世界各地不同的小朋友 ，利用創意，為狗兒設計美輪美奐的服飾。小朋友真是不可小看!

跟Beatrice影了一批相，又影了第一幅自拍的相!幾好!哈哈!