算啦，今日唔整密碼啦~

講番尋日夜晚就熄機果陣先~

我開Winnie個日記，爆開心呀>v<"哈哈~開到啦!!

原來佢星期1都係學界賽，姐係可能見到佢啦~Yeah!!

依家好鐘意XO，見到佢個板係XO，好鐘意~

但係我諗最鐘意既都係Winnie the pooh~因為回憶太多~

話咁快，Winnie嬲左我1年半~話多唔多，話少唔少，呢年幾，對我黎講，係好辛苦~

係無時無刻，都想佢原諒我~我好憎6年級既畢業營呀><"

我諗過啦，發覺原來朋友好重要，當失去左好友既感受係難受得好緊要~

所以我應承所有人，以後都對我既朋友仔好~不再令佢地為左我唔開心!!

----------------------------------------------------------------------------

今朝9點幾起身，凍左好多呀><"

之後睇左陣電視，做左陣功課~

決定開電腦打日記~我諗我由聽日起，唔再成日開電腦~

但我會少左好多玩既時間~唔捨得呀><"

可能每日抽少少時間黎打日記啦~

之後我就溫"水香口膠"啦，好長呀=.=

同meimei傾左一陣電話~

meimei決定星期1唔去校際陸運會~

其實星期5果日陸運會，我都唔想去，但係又想玩喎~

不過兩日都去總共會少左4堂中文，無左好多筆記><"

究竟去定唔去呢???????????煩煩煩!!

I hope to see Winnie on Monday~

下午同綺媚，詠欣出街啦~首先去左library借書~

跟住發生左件........好搞野既事~

咁途中有人派傳單，咁好平常姐~

好笑既係有一個人派左5張同款既俾meimei~我仲勁~

佢派左14張俾我，無奈==佢想收工，都唔使一個人派咁多張架~

唉，依家D人真係.........勁~

因為呢件事，搞到我地3個笑到肚都痛埋~

跟住我地見到馮嘉，厲害既詠欣好激動好大聲咁叫左句"嘩，馮嘉呀"驚死人聽唔到~^^

之後就行左陣，我買左件33啦~

跟住去左置樂，then諗去花園，聰明既人就會知我諗咩!!除非睇緊既你唔聰明啦~

之後過左陣，行到天橋，又發生左件有趣的事~等我同大家分享下啦~

綺媚突然講"呀，我想食碗仔，呀唔係，係碗仔面，呀都唔係，係碗仔翅"

大家發唔發覺呢句野講左咁兩次，都係錯~

第1，乜碗仔食得既咩?第2，乜有碗仔面呢樣野既呢~

睇下我地既綺媚幾叻叻~ 呢句野，笑到我同詠欣企唔穩~厲害~

聰明既你，睇唔睇得明我寫緊咩~唔明既話，問下當時人!!姐係好勁既綺媚/我都得!!

夜晚，激死我啦，科學果個網，打唔到問題><"點解會咁??

要麻煩kaki幫我打~thxthx~^^

聽朝要好早起身，凍死我啦><"

仲要係果度坐成日，有時諗諗下，唔想去~

綺媚就正啦，聽日唔去~><"搞到我真係唔想去，可惜..........我唔得!!

-----------------------------------------------------------------------------

永遠等待著你的原諒，這生也認定你是最重要。 ＊琳＊