今日，我突然之間想轉工呀！

其實件事係咁嘅，今日老細開咗12月嗰5日嘅人工比我，但係我發現張票居然寫9號喎，我當時冇問老細點解，因為我都唔算遲呀，我接手嘅同事佢仲遲呀，佢12月嘅糧要10號先出，1月嘅糧就要24號先出，但係個同事今日已經係最後一日架啦，都係等多22日先出呢兩日嘅糧架，仲要一份糧仲過份，個同事講仲有一張係佢9月份嘅糧，但係因為嗰個月啱啱公司週轉唔到，叫佢喺份人工度攞住出嚟先，點解一攞就攞到宜家走先比返佢，但係都要開14號票呀，真係慘呀！

跟住，我同個同事去食飯嘅時候，我問佢公司係唔係唔掂，佢話唔係，只係老細份人鍾意收一條數時找中條數，所以會咁樣開期票。我又問啦，通常公司會幾多號出到糧，佢居然話多數都係9-10號先會出糧架，佢仲要話11月份糧，佢到咗12月22號先出咋，我聽到之後，我個心即刻驚呀，如果我再做落去，話唔定佢都會到每個月10左右先出上個月嘅糧，咁咪大件事囉，咁點算呀！

你話佢冇糧出咩，佢又唔係；你話佢盡時出糧咩，佢又唔係；都唔知點解，真係好頭痛呀！

唉！唯有聽住老細佢肯出錢比我讀書、份工又算舒服、又長短週、仲要返朝9晚5、大時大節嘅前外又可以收早兩個鐘嘅份上，做住先啦，過咗年先算啦，起碼可以睇吓會唔會個個月都係咁成10號先出糧啦，如果係嘅，咪做埋過年先轉工囉！因為，宜家真係再搵唔到一啲咁好嘅工架啦，真係要好好珍惜呀！真係睇住佢肯出錢比我讀MYOB份上，做住先啦！

新年快樂！希望今年做任何事都順順利利啦，啲衰氣全部走晒，慢慢行番好運啦！

好神奇呀！我明明冇交到上網錢架，客戶熱線仲話會係30號cut我個上網添，但係我今日仲用度喎，我宜家都係用屋企部電腦打日記，真係神奇呀，唔痛真係慢慢轉好運，不過都係唔好咁開心，因為上網錢始終都係要比人，仲要一出糧就要交咗佢先，又唔係好多錢，$230蚊咋，另願食少啲都交咗先，如果唔係變咗失蹤人口架啦！

尋日老細居然主動叫我讀一個MYOB嘅會計軟件課程，仲要係公司比錢呀，真係奇怪呀，佢仲要盡報，總止要我學晒成套軟件入面嘅嘢，咁我咪報囉。當時我真係覺得好開心呀，因為我打過打話去問MYOB間公司，佢話每一個課程都會有一張證書證明我讀咗嗰個課程架，咁樣對我第時搵嘢做會有好大嘅幫助呀，我真係好多謝老細比啲個機會我去讀啲個我恨咗好耐嘅課程啦，因為宜家好多公司都係用啲個軟件做會計架，我真係好好彩呀，有個咁好嘅老細呀！另外，老細仲話如果我想讀一啲關於會計嘅課程，可以主動同佢講，佢會全力支持我，同埋會由公司比錢，我真係好開心呀，因為我仲想讀番LCCI中級呀，因為宜家啲會計文員大部份都要LCCI中級架，如果唔係做嚟做去都係普通文員，冇前途架，但係有中級就唔同啦，可以做到會計文員，人工都多1-2千蚊架，到時生活就會好好多架啦！

所以我今個月(2008年1)我會有幾日去咗上堂架，多數都係下午1:00-3:30，但係19號就要讀全日啦(9:30-6:30)，雖然今個月會好辛苦，但係諗到辛苦今個月之後換嚟第時嘅安樂生活都係值得架。

加油呀，JOEY，有好多人支持你架！最重要宜家連老細都全力支持你，一定唔可以放棄呀！

過咗呢關之後，啲好運就會慢慢咁嚟架啦，忍耐多幾個月啦，過咗就一齊都唔同晒架啦！

今日係除外夜啦，聽日就係2008年啦，係呢度祝大家新年進年呀！

有樣嘢要同大家講啦，就係我呢排可能上唔到網打日記啦，因為我有錢交上網，所以暫時唔可以再打日記同埋唔可以同大家MSN住啦，今日呢編日記都係我喺公司偷偷地打架咋，大家可以打我手機搵我架，千其唔好以為我失蹤呀。

好累呀，我病咗啦，感冒呀，但係冇錢睇醫生，唯有頂住先啦，頂得幾耐得幾耐啦，所以我宜家冇咩心情再打日記啦，好想瞓呀，不過我點累，我都會返工架，等我好番先再打過日記啦！

你哋可以照樣留言比我架，我一得閒我會覆你哋架啦！

呢排天氣凍咗呀，大家要保重身體呀，千其唔好學我咁病咗呀，知嗎？

今日我打去電訊盈科度嘈話點解27號send張賬單比我，但係27號晚就cut咗我服務，佢居然答我啲個係電腦系統嘅做法，佢都冇辦法喎，總之，叫我比番錢啦。但係我都有賬單點樣交錢呀，我都有反應過叫佢哋郵寄賬單比我，收$20蚊咪收$20囉，$228我都比得起，何況嗰$20，真係比佢哋激死啦，我宜家都唔知點呀，聽日就到期啦，唉！點解咁架，一係就冇數要我找，一係就一次過要我找晒全部啲數，真係奇怪呀！

聽日我又要返工啦，今次係喺間零食舖入面都做會計文員，返朝9晚5，試用期3個月，雖然試用期入面只得$6500，但係我都心滿意足，因為起碼我有份工做住先，可以還到自己啲債先啦。

但係另一條問題就出現啦！就係亞媽話幫我湊埋呢幾日，下個月就要我搵託兒所湊女。但係啲託兒所最細都要6個月先放得入去，咁叫我邊到搵人湊都細b 6個月大呢，咁咪即係又係我自己湊番，咁我點樣還錢呢，我一諗到呢度，我就頭痛啦。

今晚，我問亞媽借2-300用嚟返工，佢都話冇，我當時冇嘢講，因為我都知佢嘅環境，但係我聽日點算呢，我冇錢點返工呢，今次真係大件事啦，真係問唔到人借啦，唔通叫我聽日唔好返工咩，咁難得搵到份工，我唔想為咗冇錢返工而唔返呀，咁樣好唔抵架，同埋唔值得添呀。唯有，銀包得番50蚊都用咗嚟返工先啦，最多食杯麵當lunch啦，咁樣我諗我可以捱到2日呱。宜家我係擔心呢個禮拜冇錢上師傅度咋，咁樣就慘啦，因為啲水最多飲都星期五咋，星期六就冇晒架啦，到時我都唔知點算呀，真係頭痛呀。

唉，唔諗咁多啦，船到橋頭自然直，都時先算啦。總之聽日返咗工先算啦。一定有辦法，一定可以過到呢關嘅，比啲信心自己，一定可以捱過嘅。

加油！加油！JOEY 加油呀！有好多人支持你架，千其唔好放棄呀。