今日去咗房署交張調遷form，個主任話如果我個case係咁嚴重呢，佢可以幫我同調遷組講聲，我個急件，要盡快調遷，佢又話如冇意外應該可以兩至三個月內調到第二間屋，而且可能會比宜家呢間大啲嘅添，如果係就好啦，因為我真係覺得好頭痛呀，如果真係可以係兩至三個月內調到第二間屋就好啦，就算同一樣大嘅都好，總之搬走就得啦，起碼唔洗再比人煩先啦，因為啲錢唔係我借架嘛，仲咩要我比人恐嚇，成日担驚受怕呀，老公日日都要返工，全日就只係得我三母女係屋企，有咩事咁點呀，我大人就話走到，咁個兩個細呢，所以我一定要搬走，雖然搬都係搬番係天瑞，總好過冇，如果佢哋比到間大啲嘅仲好，交貴啲租都冇所謂呀，因為可以有兩間房，唔洗諗點間房呢樣先啦，因為兩個女會大架，始終都要比間房佢哋，所以比到間大啲嘅屋我，我一定會即刻要，當然係唔好嘅屋就例外啦，係咪，唔通先前有人咩過都要咩，我唔會咁蠢架，大家可以放心。

總之今日交咗張form，都算係暫時放低咗先，宜家只係停房署通知架咋。希望可以快啲啦。

今日其實冇咩做過，只係做過一樣嘢咋，就係申請調遷啦。

今日2:00左右去咗房署搞調遷嘅事，我一見到份form，我就頭痛啦，因為全份都係中文，但係我睇中文嘅程度係.....，所以我話我見到份form我就頭痛啦，有時我係到諗，我中五嗰年點考會考架，好彩中文嗰科都同我諗嘅一樣 ( F )，如果當時係攞高啲分嘅，我真係會懷疑當時批卷嘅人係咪盲架，哈哈！

另外一樣令到我頭痛嘅事就係冇人幫我湊女，等我可以出去返工，其實我一直都想亞媽幫我湊架，因為我只係信亞媽一個，其他人我唔係好信，因為見到亞媽湊詠琳湊到肥肥白白，又唔係好多病痛，咁樣我先專心做嘢。但係同亞媽講，佢做一口拒絕我，連我話比錢佢，佢都話唔肯。

咁我今日唯有同老豆講，叫老豆幫下口同亞媽講，點知老豆話唔理，叫我自己同亞媽，如果亞媽唔肯，就自己搵第二個幫你湊，但係.....，唉，咁即係叫我唔好返工，專心湊女，繼續坐監啦。但係如果我唔出去做嘢，只係得老公嗰份人工，跟本就唔夠開支，點算？有時，我係度諗亞媽洗唔洗咁絶情呀，幫下我手湊女，比番錢佢，咁佢有多個錢時我又可以專心返工幫補下屋企呀，都唔知點解佢唔肯架，唔通想睇住我死咩。真係比佢激死呀。

尋晚我扭到隻腳，咁咪叫個老公唔好返工幫手湊女囉，佢一開始就話趕唔切返嚟帶詠琳返學，咁我話返嚟帶詠琳放學，當時只係10:00鐘，佢一定趕得切番嚟，但係都詠琳放學都未見佢番嚟，打比佢又唔聽，我真係好嬲呀，點解佢次次都係咁架，次次我有事叫佢番嚟屋企，佢都唔番架，唔通呢個屋企佢唔使理呀，淨係返工得架啦，屋企咩嘢都唔理呀，係咪呀？好似嗰兩個女係架，點解佢唔肯湊呀，一定要我湊呀，唔通佢冇責任湊女架。當初係佢話生個 b b 出嚟啦，我會幫手湊架，但係個女真係出咗世啦，佢有冇湊過呀，好似冇囉，一直都係我湊架，我真係後悔當初同番佢一齊呀，我諗我唔同番佢一齊，我一定唔會好似宜家咁慘呀，比人困住係屋企。好！我決定同佢再搞離婚，兩個女比番佢，佢唔湊就算啦，話知佢啦。總之，唔好再要幫佢湊女，仲要唔該都冇句，我真係心淡啦！

今日又過咗一個好悶嘅日子啦，又係湊女返學放學，湊細女食奶瞓覺，我真係越嚟越覺得呢種生活好悶呀，我再過啲日子，我一定會傻架。

其實今日都係11:00 - 2:00 嘅時候，我又諗埋啲傻嘢啦，又好想老公即刻返嚟陪我，但係佢又係講話唔得，我聽到嘅時候，我又覺得個老公唔理我啦，我真係好想死呀。因為我真係比呢種生活搞到我癲啦，日日都係做同樣嘅嘢，冇啲新意。有事我係度諗，如果我有生細女嘅話，我宜家會點呢，會唔會好似宜家咁，定係會好小小呢？起碼我可以去返工先啦，有得出街呀，自由自在。一定唔會好似宜家咁，比人困住係屋企，邊到都唔去得，去親都要帶埋嗰兩個女去，老公放假又唔肯湊女，根本冇放假日。

諗番起未有細女之前，詠琳又比咗亞媽湊，我只係顧住返工嘅日子，真係好開心呀！ 因為我可以出下街呀，雖然話係返工，但係起碼都叫離開過屋企出去抖下氣呀，係咪。

我真係越嚟越覺得自己係一個監犯呀，比人困係屋企。唔係呀！係仲慘過坐監呀，因為坐監嗰陣我仲可以係個監獄到行嚟行去呀，唔使好似宜家咁，只可以係屋企一度，邊到都唔去得。我又時真係覺得自己仲衰過個監犯呀，一啲自由都冇呀。

我越諗越想死呀！有時真係好想就咁死咗佢算啦！有時又想唔理嗰兩個女自己去街，放鬆下。當然我係想死多過想自己去街啦，因為去街都冇人陪，點去呢？所以我都唔知可以點算呀。我相信我再過呢啲日子，我一定會癲架，一定會有一日諗唔開呀。

如果大家有日見到報紙話有過患有產後抑鬱症嘅女子自殺身亡，而嗰個人有係我呢，千其唔好覺得出奇呀，知嗎？因為我宜家真係好想死咗佢算啦。因為我身邊都冇人會再支持我，幫我，我真係想死咗佢算啦，記住見到報紙嘅話唔好為流一滴眼淚呀，因為我唔想見到大家為我呢個自私嘅決定而喊呀，知嗎？

今日我唔舒服，咪叫老公唔好返工幫手睇女囉，點知佢唔肯唔在講，佢居然帶兩個女去亞媽度，諗住同亞媽講我唔湊女，好彩亞媽唔係屋企咋，如果唔係就大件事啦。到最後佢都帶番兩個女比我，但係佢比番兩個女我之後就堅要返工，唔理我嘅死活，我真係好嬲呀，咁咪一直咁打電話比佢囉，叫佢番嚟屋企，點知佢死都話唔番。到咗4點幾嘅時候，佢話過多一個鐘頭會番嚟屋企，點知我等到成7點都唔見佢番嚟，咪打電話比佢囉，點知佢唔聽我電話，咁我咪打比佢啲同事囉，叫佢同事同佢講，我有急事搵佢囉，點知佢一直都唔覆我，我就更加嬲。

我真係唔明點解佢唔肯幫手湊女架，嗰兩個女係佢架，佢有責任湊架，但係佢好似唔想理咁，只係放低錢比我就算，要我一個人湊晒兩個女，咁佢呢？另外，點解佢有咩事佢永遠都將啲女攞係亞媽到嘅，點解唔攞係佢亞媽度呀，兩個孫佢亞媽都有份架，次次都係我屋企人湊，佢屋企人就只係玩玩下，咁都得架，唔同永遠都係我屋企蝕底架，佢哋嗰邊就著數晒架，唔係咁樣呀。

我今日諗得好清楚，我決定幫佢辭職，定佢唔使返工，咁樣佢咪可以係屋企湊女，我又可以去申請綜援，申請綜援嘅錢仲多過佢份人工啦，咁樣唔使成日為咗錢而嘈呀。而且幫佢辭咗職之後，仲要搞離婚，因為佢都講到明，唔會再理我三母女，咁仲咩仲要佢負責任咁辛苦佢呀，咁咪離婚囉，兩個女我自己湊番囉，唔使煩佢呀，咁樣對佢嚟講一定係件好事啦，因為唔使照顧人呀嘛。

好！聽日就搵律師搞離婚，早啲搞，我可以早啲申請綜援，我諗三個人都應該有8000蚊啦，好過靠佢嗰4000蚊呀，根本唔夠用，係咪。好！一於係咁。