今日我爸b嘅生日，佢今年係55歲啦，真係唔經唔覺呀，但係我今日見到老豆個樣跟本就唔似55歲，因為老豆個樣好累好老呀，望落好似60-70歲咁，我見到真係好心痛呀，我覺得自己好對唔住爸b呀，要佢咁大年紀仲要担心我，所以我話過有宜家開始我自己闖出嚟嘅禍，我盡量自己搞番，真係搞唔到先再問佢點做呀，等佢可以安心小小啦。

今晚唔知點同老豆做生日呢，出街食定係亞媽屋企食呢？

亞媽今日冇端端問我係咪跟家姐上師傅度，我都唔知點答佢，因為我應承咗家姐唔比亞爸知住，但係亞媽突然之間咁問我，我唯有照講啦，係呀，我係會上師傅度，但係都要家姐問完師傅先再算，宜家跟本咩嘢都做唔到，但係亞媽就己經問我，等我想瞞住老豆都唔得，唉！真係唔明亞媽架，明知老豆唔鍾意呢啲嘢，亞媽仲要係老豆面前問我，我真係唔明呀，咁樣咪攞嚟嘈囉。

宜家點算呢，亞媽話師傅唔鍾意人哋搞離婚，但係我宜家決定咗離婚，咁點算呢，亞媽又叫我等師傅點講先再決定啦，咩嘢都唔好搞住啦！唉！我宜家都唔知點好呀，真係好頭痛。我決定一路搞離婚一路搵師傅。

今日我又請假啦，真係好唔舒服呀！

今日我叫老公佢請假湊番兩隻恐龍，點知佢話唔得，仲要話如果要佢請假就離婚，咁我咪將佢啲嘢拋晒出門口囉，點知佢好嬲咁望住我。跟住，亞媽、家姐同希雯上咗嚟，佢哋見到佢啲嘢係晒門口就問我仲咩，我咪照講囉，點知，有樣嘢我仲嬲呀，亞媽居然話所有嘢都係我錯，一入門口就係咁鬧我，我當時好嬲呀。係，我係有錯，但係佢都有錯呀，點解只係話我唔話佢呀，我聽到亞媽係咁話我，我好想問佢呀，點解只係識得話我唔話佢呀，宜家係邊個借錢唔還呀，我借人錢都會還呀，佢呢，識借唔識還呀，人哋追數嘅就只會打比我，同啲收數佬講，佢爭你哋錢你哋咪追佢囉，點解要搵我，啲收數佬就話搵到你老公就唔洗搵你啦。

有時我係度諗，我前世都唔知做錯啲咩，今世有啲咁嘅報應，嫁比佢咁耐冇安定日子過。我唔係大富大貴呀，我只係想過啲安定嘅日子，三餐溫包同有屋住咋，唔洗我每日擔驚受怕咋，咁都唔得。

今日，亞媽、家姐同希雯三個都有話我，但係唔知點解我覺得聽家姐同希雯講嘢，我會覺得舒服過聽亞媽講嘢，可能係佢哋經歷過我宜家嘅日子啦，同埋佢哋會聽吓我講嘢呀，等我可以講我嘅諗法呀。但係亞媽就唔係呀，有咩都只有佢講我講，我講咩佢都唔聽，又話係我錯。但係家姐同希雯就對事唔對人，係個賤人錯嘅佢哋都會講清楚係個賤人錯，係我錯嘅就會話係我錯，所以我覺得聽家姐同希雯講嘢嘅時候，我好舒服。

不過我都知亞媽佢都係錫我同關心我先會話我呢嘢錯嗰樣錯，只係用錯方法講咋。如果佢用家姐同希雯嘅方法同我講，我相信我會聽佢講嘢囉。

今日我病咗呀，冇返工，不過好采只係普通感冒咋，不過好多鼻水同把聲沙咗，同個醫生講唔好開啲眼瞓嘅葯比我，佢問我係咪要返工，我話係，跟住佢話，不如打技針等我可以早啲收鼻水，等我唔好咁辛苦，我原本都唔想打，但係為咗屋企兩隻恐龍同學校班怪獸，冇計啦，唯有係唔願意嘅情況打啦。因為我係學校要成日坐，我唔可以打“pat pat”，唯有打係隻手度，宜家打完到有3個半鐘啦，個針口都仲痛呀，唉！今日真係好慘呀！我好驚，我驚我捱唔到落下呀，只係做咗4日就病咗啦，真係唔知點樣可以捱落去呀，點算呀？

今日睇咗契妹碟啦，我睇到喊呀，因為係講由佢知道自己係病到宜家慢慢好番嘅日子，我聽到佢講嘅說話嘅時候，一路睇就一路喊，但係，我都好佩服我嘅妹呀，因為我相信如契妹個病如果發生係我身上呢，我一定唔知點算，可能我會選擇逃避或者死去解決問題，一定唔會好似佢咁堅強去面對嘅個病，因為佢個病係一個漫長嘅戰爭，要用好多時候同心力去同病魔搏鬥，我真係唔可以唔同我呢個妹聲“叻女，家姐佩服你，同以你為榮！”亞妹，你要應承家姐呀，無論呢場戰爭幾難打都好，你都要比心機打落去，家姐會全力支持你架，知嗎？千其唔好放棄呀，我哋一齊努力好唔好。

好累呀！返咗兩日工啦，可能係耐冇做嘢啦，覺得好唔慣呀，不過，我相信我可以捱得過嘅，大家要支持我呀！

今日啲小朋友見到我都用一種好奇怪嘅眼光望我，可能係因為佢哋未見過我呢老師啦，所以個個樣都好得意，其中有幾個仲主動叫我”老師，你好！”我聽到呢句說話嘅時間，即刻好開心咁答佢哋“好”，佢哋即刻對我笑，我當時啲“累”嘅感覺突然之間覺得輕鬆晒，真係好開心呀，由其係聽到啲小朋友叫“老師”，我當時諗，我諗我搵工做啦，因為可以見到啲小朋友，個個都天真無邪，見到你就會笑，真係好開心。

雖然，只係返咗兩日工，但係我己經掌握都大約嘅運作，只係仲要少部份要改同學，連校長都話，如果照宜家呢個進度，應該可以係聖誕假後簽正式合約，做一個正正式式嘅老師啦！

哈哈！所以，我希望大家比啲支持我，等我可以捱過呢一個月，係2008年1月正正式式做一個老師，我等住大家嘅祝福架！

聽日我就要返工啦，係邊度返？係元朗一間幼稚園做書記，雖然試用期入面係用日薪，但係都好過冇呀，起碼可以還債先啦，係咪？

唔知點解，我宜家個心情既開心又担心，開心嘅係我可以走出呢個地獄，唔駛再對四面牆，担心嘅係我冇做嘢咁耐，驚會唔慣，不過，大家可以放心，我一定可以克服嘅，為咗錢，點辛苦都要捱落去，總之，要盡快還晒啲錢佢，我唔想再過啲比人追還錢嘅日子啦，好煩呀。