哎呀!!!小魚&章..........你哋早排去咗澳門玩啦?! 我仲諗住8月尾同家楫一齊去，同時叫埋你哋所有人一齊去玩番晚添，咁RUBY, 雞脾&BIG你哋仲去唔去呢? 我想行吓漁人碼頭，同埋去金沙食buffet。

Girls, pls. reply me!!!!

今晚同GIGI唱K慶祝生日，但因為要OT，所以O完自己一個去CEO搵佢哋。第一次同同事去唱K，除咗幾個秘書之外，仲有IT & ACC同事，好熱鬧。大家玩到11點幾散band，FANNY住香港仔，所以同佢一齊搭車番屋企。其實FANNY係幾好人，好樂意幫新人，不過佢就係經常有意無意之間想套你講野既人，而且係亦係嗰D是非做人情的人，所以同佢講野要好小心。

昨晚約咗家楫食飯，所以打算準時放工，點知阿姐又唔知行咗去邊，所以我無「跪安」(同阿姐講我放工)就閃咗。唔知係咪因為咁....佢今日同我講，呢兩個weeks都會好忙，同男朋友講聲唔好意思，要weekend先可以見到面啦....此言一出，我當然醒目地say OK, no problem la。不過事實上呢幾個禮拜都會係好busy的，因為要預備FW06的野，新店舖又在8月頭開幕，所以我都好明白。

最恐怕的唔係要我OT，而係我將呢件事話咗俾HEIDI知，因為我哋約咗星期三去唱K同GIGI慶祝生日，佢就打電話話俾GIGI聽，book位的時候唔好預我住。呢件事上午發生，下午就已經有人問我......呢排好多野做咩??阿姐要你OT?! 嘩..............消息傳開得幾快啊!!! 你話驚唔驚先???

起初以為公司的同事們彼此相處都ok融洽，但三個月後，我開始聽到&feel到其實內裡係另一回事的。雖然我都未全部認識晒公司的同事，但好彩有heidi & gigi，佢哋八到既野都會講俾我知的。有些人會好口疏，經常無意之間套你講野，但你又唔可以唔埋佢哋埋，因為佢哋知道好多公司內的秘聞。我就最怕面對呢種人，一但露咗少少口風俾佢知，真係大鑊啦。所以如果我知道佢哋係套緊我料的時候，我就答「唔知啊!阿姐都唔同我講呢d野既」，好彩我都仲算新，唔知道都唔出奇，所以佢哋都無迫我。

以前每逢星期五，大家都會一行十幾個人去飲茶食lunch，但現在相對少咗好多啦，好似分開咗兩個小圈子咁。

今日入咗元朗，不過大大話話都成個月無入過嚟元朗lu，唔怪之得你媽咪問我哋係咪鬧咗交啦。