公司同事買咗個蛋糕幫我慶祝生日，佢哋諗住遲些同我farewell的時間食飯補祝番，蛋糕好好味，大家仲影咗幾張相  http://community.webshots.com/user/kaman_ho3 ，遲些少post出嚟俾大家睇呀，好開心啊 !!!唔知到時真係要走的時候會唔會唔捨得................d同事 。

今晚班姊妹食飯同我慶祝生日，唔知會去邊到呢??好神秘啊 !!不過我哋好耐都無試過咁齊人出嚟聚吓，對上一次已經係雞脾1月生日的時候，唔知大家今晚又會唔會坐到人哋打烊都唔肯走呢??

今朝叫到個好消息.........之前去咗2nd interview嗰間retail co話請我，真係十萬個開心啊 。仲要知道公司benefit幾好添，有medical, dental, education sponsor (max $10,000), 12 annual leave, staff purchase discount, 5 days work，講到呢到已經吸引到我啦，我將會under Jean Paul Gaultier呢個brand，不過佢想我10/4番工，我話要check吓仲有幾多日大假，明天lunch前回覆佢確實番工日子，佢都話ok無問題，所以我要今晚預備封resign letter。真係好開心，第一: 我對呢份工很感興趣，第二: 公司benefit真係好好，第三: 我終於可以離開AIA呢個鬼地方，唔駛再睇agents面色 。不過份新工都係响大公司工作，人事可能都複雜&需要埋堆，希望我可以handle得到啦。唔知係咪知道自己快將離職，今日做野特別輕鬆。

p.s. 雞脾...麻煩你幫我唔該阿姐的幫忙呀!!

華華大飯店>>鼎泰豐>>SOGO>>新光三越>>西門町-老天碌買鴨舌 & 鳯梨餅>>台北中正機場>>香港國際機場

前一晚傾好第二朝11:00am起身，執好行李就去鼎泰豐食飯。第二朝9:30am我就起咗身，梳洗後都只不過係10:30am，我咪諗住叫醒家楫早少少去鼎泰豐，唔駛排隊等麻而且又可以爭取多d時間shopping作最後衝刺，佢一直以為當時係11:00am (因為佢唔帶錶架，我就係佢既人肉時鐘啦)。執好晒野check-out後，佢問我幾多點，我口快快答佢11:00am，佢當然嚇到眼突突啦，仲被我激死佢添。

响鼎泰豐我哋點咗蟹粉小籠包 、牛肉麵 、排骨炒飯及芝麻大包 。講真一句，呢到d小籠包真係好好味，皮夠薄多汁 ，值得一讚的是個芝麻大包，連唔太喜歡食甜品的家楫都話個包好味，$35一個架。

之後去咗sogo行吓，全部都係名店，水靜河飛都無人行既。跟住就去番台北車站的新光三越，仲以超抵價買咗個新款porter袋，足足平香港$200幾蚊架。最後就係要買埋d手信俾香港d朋友仔，跟住我哋就搭巴士去機場lu。

最唔好彩的是我在臨上機的時候，竟然肚痛，全身無力，真係好恐怖。我哋懷疑係舊甜蕃薯有問題 ，都係自己為食啦，喺新光三越試食咗一舊仔覺得幾好味，咪一人買一件食，點知就出事啦。臨上機食埋宝濟丸都唔掂，幾驚入唔到境啊!!!番到H.K.即刻搭機鐵走人啦。

故宮博物館>>黑店茶館>>忠孝敦路午餐>>木棚動物園>>麥園蛋糕店>>

今朝一早起身就搭車去故宮博物館 ，呢道睇到以前古代人的雕刻技術係幾咁出神入化，真係睇到嘆為觀止，最特別的是有像真度99.99%的東坡肉及大白菜，由於館內嚴禁拍照，所以影唔到相同大家分享。我哋都只係參觀咗兩個館，其餘館都正在裝修，蝕晒!!!

由於木柵動物園要搭捷運到尾站，都要一段時間，我哋想爭取時間，咁離開故宮博物館時，有個阿伯叫嚷著$100去台北，但其實我地係要去忠孝敦路搭車的，咁問佢幾多錢，阿伯話都係$100，咁我哋就deal咗啦 (亦都就咁衰咗)。嗰位阿伯原來唔係的士司機，而係送茶嚟呢到，所以我哋坐的是私家車，一路上阿伯就話自己係做茶葉批發，仲會途經佢間茶館，順便帶我地入去坐低飲杯茶，佢十分強調認為好先買少少，唔啱可以唔買的。我同家楫已經心知不妙，但無辦法都已經上咗車，點都要入去坐一坐啦。入到去就有個女人負責介紹&沖茶俾我哋試，一共飲咗三款茶葉，唉......仲話做批發，個售價仲鬼死咁貴添。我哋飲完之後咪話唔適合唔買，個女人都無留難我哋俾我走，上番車阿伯仲係咁潤我哋，話咁靚既茶都唔買走寶，真係被佢吹脹，我都未話佢浪費我時間啊，總之就一肚氣啦。

阿伯車到我哋去捷運站，我哋由早上到呢一刻都未食過野，已經極之肚餓，所以行到附近食迴轉壽司。好趕地食完就跑去搭車到木柵動物園 ，呢列去動物園的捷運係最新及無人架駛，所以比一般捷運快少少。嚟到動物園都差唔多3:00pm，真係要爭取時間遊覽每一個角落了，我哋見到好多動物啊......有牛、豬 、鹿、羚羊、河馬 、斑馬、馬仔 、猴子 、樹態(無尾態) 、企鵝 、獅子、老虎、駱駝 。我哋玩到動物園差唔多要關門啦，呢到真係好啱十家大細嚟玩，好多小朋友見到d動物都好興奮，我都唔例外，因為香港都無呢d咁大型的動物園，每見到一款新的動物就會很好奇行埋去睇吓咩嚟，真係好好玩啊!!!

跟住我哋就去咗好出名鳳梨酥的麥園蛋糕買手信，家楫話呢間的鳳梨酥好好味喎，所以我哋一共買咗7盒，嘩!!!原來好重架。

今晚係最後一晚响台北，我哋決定再番西門町食盡佢，家楫話想再食多次鴨肉扁，本來諗住去港式茶樓嘆點心，點知貴到爆。行吓行吓......見到有間大玉門食日式燒烤及火鍋 ，仲開到零晨2:00pm，可以慢慢坐，呢到自助形式，好多海鮮選擇 ，有扇貝、蜆、蝦、蟹堡、秋刀魚，除咗燒烤仲可以打邊爐 ，不過我哋都係主攻燒烤，好玩啊麻，你睇吓我幾"野"火就知啦 ， 。

北投荷豐館溫泉旅館>>台北車站>>華華華大飯店>>瑞芳>>九份>>基隆>>華華大飯店

早上吃過早餐後，就去咗合歡風呂浸溫泉，呢個風呂係男女共浴的，仲有按摩池添，之後就要早少少check-out，因為今日要坐火車到基隆，離開之前當然要影番幾張相留念啦。放低行李後，就開始出發去九份，我哋坐火車到瑞芳先吃個午餐 ，再乘的士到九份。九份位於山上，環境十分幽美 ，而且呢到出名多茶館，我哋就選擇咗阿妹茶樓茗茶 。離開茶樓時，竟然見到周汶琦正在拍攝TVB節目，唔知自己有無上鏡呢? 下一站就去基隆的廟口夜市 ，這裡出晒名食海鮮 ，有奶油焗蟹、龍蝦、蠔、蝦等等 ...不過由於我哋實在太飽，對於咁多的美食都刺激唔到食慾，所以只是逛逛便離開了。跟住我哋選擇食清淡些少，所以去咗永和清粥大王食地瓜粥 ，離開永和時，竟然又俾我哋見到Soler响到食野。