今日要預備星期一開始的staff sales，一做就做到9:00pm，咁啱家楫又响旺角開會，所以放咗工可以約埋一齊食飯，哈哈!!

各位我公司由18/9 - 22/9，開始staff sales，有部份貨品都好平，但係有damage的，亦有少部份無damage的貨品，但相對價錢會較貴啦，減價牌子包括jean paul gaultier, kookai(最抵買，$10-$80), bally, MaxMara, MAX & Co., Marina Rinaldi, Sportmax, iBLUES, Penny Black, Marella and Lloyd(皮鞋款可能適合爸爸,但價錢reasonable)，開放時間至到晚上8:00，如果有興趣的話，我可以forward invitation card to you.

今日同ruby去咗葵芳shopping，上次大家都滿載而歸，但今次竟然係零收穫，不過可能唔係太舒服，無咩mood買野，sorry! ruby....掃咗你興。

近排覺得自己身子弱咗，經常性頭痛，但又唔係話劇痛嗰隻，少少....少少間歇性地痛，可能係自己太過神經緊張，唔識得被個腦relax。

今日買咗Monchhichi月曆，上年因為太遲先去搵，想買都買唔到，所以今日一見到當然即刻仆到去買啦

今日lunch同Lisa姐一齊食，佢哋建議食手打烏冬，我堅決反對，因為之前同家楫去過呢間黑店，有陰影，但佢哋勁話好味好食，叫我再去一次。去到先知原來攪錯晒，我係去咗另一間手打烏冬。呢間真係另一回事，正好多。我叫咗個豚肉烏冬，Jack叫咗個海鮮烏冬，全部都係石頭鍋上，好好味架，烏冬又煙un，不過好彩我哋訂咗位咋，如果唔係一定無位，大家下次可以去試吓。

萬豚屋 尖沙咀赫德道33號地舖 T:3598 6282

 評分：5個笑哈哈

今日去咗睇 《United 93》，好感人架，眼淺既你哋記住帶定tissue，故事係講美國911事件。

今晚哥哥終於由Canada番嚟啦，好掛住佢。佢黑咗好多呀...可能成日曬住。

今日終於可以放假一天，唔駛番工真係好relax，雖然响屋企都係無所事事，但唔駛俾人叫你做呢樣做嗰樣，真係一身鬆晒。

lunch約咗ruby，當然係食佢既至愛.....綠野仙踪，仲要食佢一直好想食既椒鹽燒賣。之後去咗做facial，同埋媽咪食tea。咁就一日啦，"saw 夫"。

ruby: 終於食到椒鹽燒賣啦......不過3粒滿足唔到你，下次再食過。

ka chip: 知道你明天可以放假，真係十萬個開心啊!!咁明天係咪去搥骨架?