今日同屋企人飲完茶，哥哥就陪我去出電話，最後都係決定買K800i，現在叉緊電，未玩得住，nokia部N73又貴咗D，平D出呢部用住先，因為舊時部N70真係十萬個唔掂.....

姊妹們：約定今個星期六 30/9 一齊食飯聚吓羅喎。Long time no see, so miss 大家......，到時一定大把口水噴。

今日出咗MK，真係人多到迫死人，諗住睇番場戲，旺角又無飛，所以都係番去奧海城睇，《CLICK命運自選台》都ok架，叫人唔好只專注工作，而錯過人生中其他的事情。

原本諗住今日去出電話，但仲係十五十六，都未知出邊部機好，大家話K800i好嗎？

終於忙完個fashion show，我同heidi都覺得好似成身輕鬆晒，前排真係做到精神分裂咁，成個樣都殘晒。大家都唔願做野咁，我同heidi仲走咗去staff sales睇吓仲有無貨尾掃，因為staff再有50% discount off，不過今次staff sales既貨真係麻麻地，姊妹們d衫都唔係你哋既心水，我都只係買咗2個手袋，一件西裝褸。

終於等到今晚既fashion show，今朝得我留响公司工作，因為要繼續RSVP，其餘同事都去咗shop or venue stand by，而我就下午先去幫手。雖然得自己一個响office，但係依然做到人都顛，連lunch都只係可以食份三文治頂肚，簡直係成個人進入緊急狀態。因為要dressing code：全黑色，連鞋都係，著咗對新買的高跟鞋，雖然係好靚，但係就大擰樂........4:00pm响office先出發去舖頭，因為要拎住一大袋野，JACK叫我坐的士去，去到舖頭LISA姐又唔响到，咪同shop manager & D sales吹吓水，呢段時間係最得閒既，之後落咗去venue: Habitu(海港城最近碼頭的一間餐廳)睇睇，去到後台見到兩個model瞓著咗，而d dresser就坐埋一堆傾計。因為heidi同jack負責後台部份，佢哋去咗監督model set 頭，所以一直都見唔到佢地。而我就同marketing同事做reception。辛辛苦苦做份RSVP名單，根本就用唔著，VIP嚟到都唔會check既，之前大家咁緊張吹我做份RSVP名單都唔知為咩。

當晚真正既星又唔係太多，包括草蜢、wyman、鈴木仁、葉童、陸詩韻、陳淑蘭、甘國亮。草蜢真係幾型，好fit，仲好nice添，因為完show之後我派gift，佢地好nice地say thank you，但鈴木仁都唔靚仔既。model方面有Lisa S. & Eunice，Eunice真係好靚，皮膚係super好，身材又正，一樣都係好nice，但Lisa S.就殘咗些少。

當晚由4點幾企到9點幾，除咗响老麥食飯時嗰15分鐘，對腳係完全同個人分離咗咁，真係頂唔順，叫咗哥哥拎對拖鞋响巴士站等牫，不過fashion show既氣氛好好，Lisa姐好開心，成晚滿場飛，我終於見到佢個法國老公仔啦。

昨晚已經做到9點先走，今日都應該唔好得去邊架啦，因為明天就係fashion show，繼續有人打嚟rsvp，大部份都係鬼打嚟，又唔mark低佢哋水蛇春咁長既名，已經忙緊其他野，又要接埋呢d電話真係煩死人，要執靚份RSVP名單，做到9:30pm才放工，雖然好累，但仲要去買衫，因為明天要著全黑色，又無一件見得人既上衣，所以一定要今晚買件，行咗tst，最後買到 2 件，咁都放心d。