本來諗住生日期間去旅行，但咁啱得咁橋上海27號攪fashion show，所有同事都飛晒，我就一定要留响公司做back up啦。最令我唔開心係因為呢3日假期已經早在幾個月申請，而且仲要係我今日問佢需唔需要銷假，佢先同我講，雖然佢都尷尷尬尬咁答我，但都係啊...而且呢3日annual leave一定要响3月尾放晒，如果唔放就會無咗架啦。

最頂癮我同講話想去北京旅行時，佢笑笑口同番我講...4月去北京仲好，現在嗰邊大風雪。我頂  响我咁down的時候，仲開呢邊玩笑......真係想我黑面

上月公司响海怡工貿開咗間warehouse，折咗之後再有員工折扣7折，今日約咗heidi & 佢bf & 哥哥一齊去逛逛。我就無收穫，反而响JOYCE warehouse買咗件背心，$200幾，都ok款架。之後再去埋land crawford，不過好貴。唔經唔覺就行到5點幾，好鬼倦......。其實嗰幢大廈都幾多名牌子warehouse，姊妹們我哋咁近，得閒都可以去行吓，可能會執到件筍野架。之後同哥哥搭的士去番海怡食tea，哈哈!!!

big: don't think too much, concentrate on your examination.  be careful...call us anytime if you feel boring.

今晚約咗舊同事Jack食飯，Heidi介紹咗一間意大利餐廳798，响尖沙咀厚福街，環境都幾舒服，不過我哋坐近open kitchen，所以較嘈，傾計都要好大聲先可以。其實今次除咗聚舊之外，都想套吓就嚟番工既新同事d料，因為佢同Jack係fd嚟架，呢個fashion world真係好細。聽聞係一名猛料之人，一入嚟就坐正做manager，仲高級過Jack，不過佢都係一個nice guy.....actually is uncle，因為都差不多40歲，希望可以合作愉快啦。

年初四 - 開工大吉，今朝番到公司，大部份同事都放緊假，公司變得水靜河飛，好悶...無晒心機工作。利是??當然唔似得往年咁豐收啦，真係好懷念以前响公司過新年既熱鬧氣氛 。今日準時 6 點就走人，約咗哥哥食壽司，好味道!!!

年初五 - 番埋今日就可以放假，所以今日依然係無心工作，成個下午只係做filing & 執拾吓張枱，以前因為無時間整理，攪到d文件越推越高，現在好乾淨lu。放工約咗文生食飯，順便睇吓買咩去你屋企拜年，哈哈...竟然俾我見到好好味既朱古力餅，雖然貴咗少少，但真係好味...值得的，買俾自己就真係唔捨得，不過見係你...屋企人，無計啦，最緊要係佢哋覺得好食就ok。mum & dad今晚落機，買咗好多手信呀!!有我好鍾意既蜂蜜蛋糕。

年初六 - 今朝同媽咪去食完早餐，之後就無所事事，但係好鍾意呢種咁寫意的生活，睇吓電視上吓網執吓野，i m lovin it 。今晚文生嚟我屋企拜年，落咗南京食晚飯，哥哥去咗澳門玩，所以今晚無佢份。

年初七 - 人日，生日快樂。今日要去文生屋企拜年，瞓醒就要準備出發。去完佢屋企又再去佢婆婆屋企食飯，逗咗好多利是，仲發咗少少新年財添，豬年又幾旺喎!!!

年初八 - 繼續拜年活動，今次去我婆婆屋企，哥哥話明天要番新工，所以唔去，咁我就做代表啦。去到見到個好得意既bb仔，3個月咋，好細粒，抱住佢玩，可能抱得太舒服，就瞓著咗。但係佢唔肯瞓床，所以要一直抱住佢，差不多抱咗2個鐘，都咪話唔辛苦。不過我發現原來一個小朋友係可以令到身邊所有親戚朋友們都好開心，好融洽。

年初九 - 最後的假期，放埋今日，明天就要繼續開工。

今朝一早，dad & mum就出發去台灣旅行，每年既新年佢哋都會飛，因為媽咪只可在新年才放長假期。哥哥仲話下年一家人去日本添，因為媽咪上年去完日本後覺得好"正"，咁今年我要積極儲$$$，預備足夠既彈藥。

今日約咗幾個姊妹嚟我屋企攻打四方城，(姊妹包括阿文&Calvin，哈哈!!)，戰果Ruby & me勝利，希望keep住咁旺落去啦。

金豬年祝大家身體健康，萬事如意。Rebecca & Ruby你哋記住食藥呀!!