今日做咗個mid-year appraisal，之前阿姐叫我番屋企諗吓將來條路想點行？想攞到d咩野？仲以為佢想我調去跟merchandising，但同阿姐傾完，原來下半年除咗要跟operation之外，佢想我跟埋marketing野，俾多d意見，involved多d。聽落好似幾好咁，起碼marketing都幾好玩啊!!

今日終於去咗旅行社報名，最後決定咗台灣四天團，真係好想快d飛。

真係唔多like公司新嚟既阿哥 ─ simon。佢既態度真係乞人憎到爆燈，有時remind吓佢之前一貫既做法係點，我都係好心提一句，免得你到時手忙腳亂，哼! 點知佢扮到無咩特別咁，攪到我好似多事咗咁。而且一d禮貌都無，有時睇到佢對住smile串串貢咁，真係睇唔過眼，明明自己都係新丁一名，又要扮到好有料咁，話晒smile都係佢條靚。以後除非係佢主動問我，如果唔係...我都唔會爭住答，咁多事做咩喎人哋都唔會領情。

今晚放工去咗荃灣《五月花》食日式放題，一行三十幾人，因為同埋文生既親戚，真係未試過咁多人食日本菜。食物質素方面都唔錯，選擇都幾多，仲有得打邊爐添，火煱料都唔差架，有蠔、青口、大隻蜆...，但係服務方面就差少少啦，見到你叫野又扮睇你唔到，最恐怖係我哋部gas爐無晒gas，個waitress好似唔識得換gas咁，仲攪到漏氣著火，真係俾佢嚇一跳。今晚飯聚目標是farewell文生個大表姐一家人，佢哋前排由加拿大番hk，下星期就離開啦，所以食完飯，一大班人過咗隔離公園影大合照，好似自遊行影團體相咁。

哈哈!! 終於可以放假去旅行啦.....yeah

不過原來文生你未問架?!失望晒!!如果你擺唔到假，咁點算呀???

呢個星期所有人都忙住buying & 落單，阿姐&阿哥塊面經常性地"黑"，阿姐忙到爆而且出完trip番嚟又病咗，心情唔多靚。但响呢個時候我要鼓起勇氣，同佢request假期，最大問題係佢一早已經申請8月中開始放大假，直至9月頭，而我request嗰幾日正正係8月尾幾日(因為文生請佢一家人去旅行，當然有我份啦，哈哈!!) 撞到正一正，我當然無同佢講去旅行玩啦，我話係一家人回鄉探親。問完之後，阿姐話佢知道欠我好多大假&補鐘，但要exceptional case先可以俾我放，要諗吓先再覆我。.....直至6:00我放工都未見到佢，而我又趕住走(趕住去拎ruby's bd cake)，所以今日都係得唔到答案。