今日多得雞脾陪我買衫，預備下星期去公司fashion show著，起初真係毫無頭緒買咩衫...型?!斯文?!著裙定係褲呢??最終...都係決定著褲，不過買唔到對鞋襯，只好番屋企試吓現有嗰幾款鞋啱唔啱啦。原來好耐無見雞脾啦，因為你連我剪短咗頭髮都唔知，希望你既台灣之旅玩得開心愉快。ruby我等唔切你陪我去大南街，今日忍唔住買咗條黑色珠鏈，因為件衫要有條鏈襯先好睇。

今日開始放假, 約咗ruby出香港仔食lunch, 大家都好耐無見啦。食完飯, 竟然見到公司一個好八掛既同事, 好彩佢見唔到我咋, if not, 一定番公司講話今日見到我, 咁就大鑊啦, 因為西門阿哥以為我今日番鄉下。之後自已去買旅行用品, 哈...一直都打算買番對converse, 今日終於買到啦, 米白色加上粉紅色圈圈, 好鍾意...。

今日去咗九龍灣聽茶會，哈哈...雖然我哋遲到，但上到去竟然得另外兩個妹妹仔同我哋一齊聽茶會，每個人除咗有一個旅行袋之外，仲有送多個立體飛機仔pizzle，幾得意架!!

姊妹們...我下星期就飛去台灣啦。今次去旅行公司無一個人知道，因為我只係同阿姐講番鄉下探親，所以要低調行事。因為今次係跟團，唔知抽唔抽到少少時間去搵雞雞專門店呢？上次去台灣時，文生同我行咗好耐先搵到其中一間專門店，雖然辛苦，但見到整間店舖都係黃色雞仔，真係令人好興奮，好開心。今次目標係响淡水既專門店.....yeah!!

姐姐放大假.................9月先番工，YEAH!!!不過我呢個工作狂阿姐，每天都會起碼有一個追雲call，鍾意人哋每日update吓佢。nevermind...........無皇管既日子....實在太好了。