今日無意中被我發現monchhichi 2008月曆，恐怕遲d賣斷市，所以即刻買鬼咗佢，今次呢本將會擺响公司用，因為實在太靚啦
呢個禮拜好似顛咗咁，每日都要ot，呢種生活真係好痛苦。不過下星期請咗4日大假，連埋重陽節假期，足足放9日。終於可以抖番吓啦，yeah!!! 仲有時間可以約番舊同學食飯添，之前因為怕自己遲到或失約，都唔敢約人。
最近搵到好多舊同學既blog，見到佢哋令我諗番好多中學時期既日子，特別係中四及中五呢兩年，真係過得好開心，幾個好姊妹都係响真光中認識的，不經不覺大家都已經識咗好多年，現在大家都各有各忙，好難先可以約齊人一齊聚吓，以前日日對住大家，仲要寫住信，但係大家既話題永遠都講唔完.....真係令人懷念
起初真係無諗住會睇呢類文藝片，總係覺得會悶爆，但係俾文生挑起咗條根，所以今晚放工去咗奧海城睇7:40。不過因為今日放7:00，入到場已經miss咗開頭嗰5分鐘。整體上...套戲俾我預期中好，唔係想像中咁悶，湯唯既演技真係不錯喎，睇到我都戥佢難過。不過其中幾幕既床上戲，真係非常大膽露骨，唔知係咪真的呢？
哈哈!!!昨天响屋企真係俾我搵番個真光校章，仲要有兩個咁多添呀。Yeah!!!
