對自己要有信心，唔試過又點知道個結果呢？唔好再俾任何藉口自己去放棄啊!!無論點....我都會支持你的。

今日派糧單，終於知道剩下既bonus係出幾多，未拆之前，見到bally幾個秘書好開心，係咁多謝d老闆，心諗人哋份bonus一定好"金"啦。我?!...........唔滿意羅，比我預期既少咗。臨放工，lisa姐問我滿唔滿意，我好担白地話"唔太滿意"，佢聽到之後，好似好愕然咁，仲加上一大篇理論向我解釋，又話我份bonus已經好多，多過舖頭d同事，嘩!!大姐....佢哋個個月有commission，我無喎....份bonus多過佢哋都好正常呀。算吧啦....嗰一刻你講咩都聽唔入耳架啦。

今日heidi ma last day，但因為要交接手頭上既工作，所以大家都各有各忙，計都傾唔多幾句。直至到放工既一刻，因約咗文生，所以我先走，走的一刻真係好捨得佢，feel到同新嚟既同事都唔可能做到咁friend，相處咗1年既時間，話多又唔多話少又唔係少，總之大家都啱channel，唔鍾意群是非團，放工又會等埋一齊先走，兩個就好似相依為命咁。雖然今日先知道原來你去gucci做，但明白佢有苦衷。

Yeah!!! 終於約得齊人，可以食餐晚飯，難得的機會。

好多謝ruby，終於可以睇到《我們這一家》呢套卡通片啦，真係好好睇架！嘩...廿幾集有排先睇得晒，努力。

今日去咗睇中醫，醫師把完脈就話：「你腸胃唔好，血唔夠，去唔到個頭，所以導致頭痛。唔好飲咁多冰冷野，夜晚盡量唔好食甜野。唔可以再俾頭痛持續落去，一定要根治。」之後就開咗張我唔識睇既藥方去執藥，總共成為$160，好彩公司有得claim中醫，哈哈！希望飲完兩次藥，情況會慢慢改善啦。

今日睇咗《盜海豪情》，ok喎，睇咗2個鐘頭，都唔見眼瞓。