今晚約咗好耐無見既舊同事Kathy & Ivan，大家去咗有骨氣打邊爐，其實由我離開aia之後，都無再見過kathy啦，足足有1年既時間，佢開咗間bar响銅鑼灣登龍街大利行，所以今晚都諗住食完飯，再上去飲野。10:30去到間大利行，已經見到一條長長既人龍，心諗唔係要排隊等lift咁誇張呀!! 但原來差不多每晚都係咁，因為整幢大廈都係開bar，現在又放緊暑假，所以好多靚仔靚妹蒲。好彩kathy姐係老闆娘，係咁易同個看更講一聲，我哋就打咗尖啦，幾驚俾後面d人打。上到去的時候，已經爆晒場，每張枱都已經坐咗人，好彩kathy預先留咗張枱俾我哋，玩到2:00左右我就走啦，因為開始好眼瞓，原先諗住搭通宵小巴，但ivan話佢搭taxi送埋我，yeah!!!所以好快就可以番到屋企。
kathy told us年尾佢就會結婚啦，真係好替佢高興。
今日上咗公司一個關於influence & negotiation skill training，足足上咗1日堂，不過都ok好玩，當中有幾點真係幾有意思，想同大家分享一吓
今日亦都令我了解咗自己係邊一種類型既人，係穩定平易型，都幾準架，下次同大家玩吓，等你可以分析自己係邊一個type，及分析埋你上司既type，從而清楚知道用咩方式同上司溝通，以達到win win既效果。
今日收到city打嚟既電話，竟然响呢一刻先同我講個course唔夠人數，要取消。嘩!!有無攪錯，錢又收咗我，9月開學，現在先同我講取消，真係俾佢"fing"起咗，好多course都已經截咗止，都唔知點算好，好嬲好嬲.....條氣真係頂住頂住。
第1次打wii，幾好玩，成班傻婆&傻佬對住部電視跳嚟跳去，勁攪笑。最開心...當然係文生專程嚟送我番屋企，嘻嘻!!
今日最攪笑係文生變咗叫"雞脾"，ruby = 雞頭。
for雞脾：天水圍都算係山長水遠，因為平時我都入慣元朗，兩個地方都係差唔多遠。不過要very thank you你&阿文一家人，因為打攪咗佢哋一日。
我都唔知自己係無耐性呀? 定係唔適合教人做野，面對住新同事 - smile，有時候真係俾佢激親，每日都會聽到佢叫"Kaman......唔好意思...."、"kaman.....我想問吓"、"kaman.....唔該...."，我明白佢新，咩都唔識，面對問題應該主動發問，但係咪要先自己諗吓點解決，再諗唔到先問人呢?我覺得佢太依賴我啦，仲有係無記性，自己做完既野，竟然可以問番我............oh no!!!!
。最開心...當然係文生專程嚟送我番屋企，嘻嘻!!
但原來差不多每晚都係咁，因為整幢大廈都係開bar，現在又放緊暑假，所以好多靚仔靚妹蒲。好彩kathy姐係老闆娘，係咁易同個看更講一聲，我哋就打咗尖啦，幾驚俾後面d人打
。上到去的時候，已經爆晒場，每張枱都已經坐咗人，好彩kathy預先留咗張枱俾我哋，玩到2:00左右我就走啦，因為開始好眼瞓，原先諗住搭通宵小巴，但ivan話佢搭taxi送埋我，yeah!!!所以好快就可以番到屋企。
