3月22日 - 與冋事們bbq

公司有一同事原來同我同一日生日，所以大家相約一齊慶祝。起初諗住去小欖燒，但當日落住大雨，部份同事臨時改節目唱k，但有人反對，最後去咗西貢自助bbq。好感激smile幫我哋叫隔離枱班小朋友唱生日歌，好有趣。

 佢就係同我同月同日生日的ivan (樂樂)

 our bday cake - too yummy

今晚同屋企人慶祝生日，哥哥book咗枱响鯉景灣一間叫中意坊食中餐，其實係一間標榜無味精的家庭小菜店。餸菜都ok，不過哥哥同我決定去既原因都係為佢一款甜品十二式。

見到都好開心...我哋叫咗二人餐...所以可以响當中選兩個，如果想加都係每款$9。所以我哋選咗4款

係咪好奇怪點解有隻雞蛋呢?!其實佢係A貨，意思係內裡蛋白係雲里拿布甸，蛋黃係芒果布甸。勁!!!

今日勁「興」，因為無端端被人擺上枱，最衰都係個白痴低能美宝，學咩人學manager呀...咁鬼驚揹鍋，一有事就推其他人出嚟，佢係marketing人，擺我上枱...我明因為大家唔同dept，你都唔係推自己條「靚」出去死架??!!點解仲可以生存到架呢種人。

今日文生個同事michael結婚大日子，所以相約去教堂觀禮。好遠呀...西貢浸信會神學院。雖然見過michael只是幾次，但今日個場面真係幾感動。首先係新娘子一班學生唱詩歌，見到新娘都忍唔住喊咗出嚟，第二個感人位係一對新人講誓詞時忍唔住喊，聽文生講佢自己都未見過michael喊，唔知點解男人到咗呢一刻就算一向都硬正都會變得好感性。

新年快樂、恭喜發財。祝大家鼠年(何)包飽滿、升職(嘉)薪、做咩都(敏)捷過人。去完旅行番嚟都無update過個blog，因為太懶唔想寫野。

13/2 - 去家楫屋企拜年。食完晚飯入咗屯門睇《長江7號》，好抵$35一張飛。都係一般，只係覺得徐嬌做戲好叻。

14/2 - 一直都無話過俾我知去邊，只係話訂咗枱，原來係去南丫島食風?!...係燭光晚餐先啱。no flower, no gift, no big surprise...but have a promise

15/2 - 開工大吉，今日第1日番工，逗咗阿姐封大利是，由於放咗太耐假，都仲係未有工作的心情。今晚文生去我屋企拜年。

16/2 - 今日去文生婆婆屋企拜年。今早收到阿姐的來電，原來佢有兩張聽晚既郭富城concert tickets，問我有無興趣。

17/2 - 郭富城concert, 8點正, 亞洲博覽館