雖然我無呢方面既經驗，但作為你既好姊妹，我一定會瞓身幫你，令你當日可以舒舒服服，記住relax。

Happy birthday to 雞脾!!

今日無心之下，竟然俾我見到件長身羽絨褸，我一直都想買件for korea trip，點知今日响uniqlo睇中咗，仲要係一千零一件，仲要係m size，fit晒，好開心。起初見到價錢牌$499，到cashier俾錢時竟然係$399，可能only 1 pc的關係，真係覺得抵晒，自己又鍾意價錢又ok。

今日放假，文生都請咗一日陪我，於是決定去南生圍行吓，入到元朗先食個lunch先，因為之前病咗，好耐無食魚生壽司，所以選擇食日本菜，好滿足的一餐哦!!! 之後就行去目的地─南生圍，郊外地方真係勁多狗，真係嚇死人，仲要坐一陣仔路(1分鐘都唔駛，承為每位$5)既船先入到去，可能平日的關係，真係一個人都無隻，都唔明點解咁多人選擇响呢到影婚紗相，都唔係好靚咋。

今日文生請咗半日假陪我，於是決定去睇番場戲《投名狀》，套戲都幾悶，只有幾場戰爭片段較為精彩，中途我仲瞌著咗添 。雖然套戲麻麻地，但最尾發生咗件小插曲，精彩到爆。話說我哋坐咗响最後一行，路口位第三及四個位，入到場路口位條女(簡稱A)將自己個手袋外套擺晒响我哋個位到，A見到我哋行埋去仲好似唔想拎起咁，頂...你俾咗3個人錢咩?!開場時D燈熄晒黑漆漆，妖...兩條友仔响到打車輪，仲要發出聲音嗰隻。最難頂係...兩條友好似野餐咁，不斷响到開野食，A仲要買埋私伙紅棗桂圓茶，仲要用隻暖杯入住，大姊...不如租隻VCD番屋企睇啦...頂你!!

精彩事情發生啦，完場時，坐响A前面一對情侶忍唔住拎轉頭鬧爆佢哋，坐响我前面個伯伯聽完，仲拍手和應，嗰刻真係想大笑出來。其實都係2個鐘頭既戲，唔係咁口痕麻?!