今日換指甲花，今次無咁浮誇啦，不過試咗隻黑色，效果都唔錯。本來gel甲前約咗mimmy食埋lunch先上去，點知勁塞車，真係激死人，仲要落住傾盤大雨，好麻煩。lunch就趕唔切食，只好去mcdonald買個包頂住肚。

今早搭171番工時，竟然撞到一個中學舊同學 - 曾美瑤，大家對望咗3秒，之後就大笑一番，大家隔住條行人路傾足成程車。數數手指已有6-7年無見，即係讀完中七後都無再見番面，哈哈!!!佢仲記得ruby, rebecca , big & fok...大家交換咗電話，遲d約埋黎文慧一齊聚吓，如果下星期六真係bbq，不如叫埋佢哋兩個呀，好嗎??

今日提早同姊妹碧慶祝生日，真係好難得咁齊人一齊出席，對上一次都已經係前年既X'mas。祝碧碧身體健康，盡快搵到份合心意的新工作。

今日叫到姊妹們送俾我的驚喜禮物，真係好好好...surprise。好耐無試過被感動到喊...但我真係好鍾意呢份生日禮物，我會好好保存，等再過幾年後，拎番出嚟同你哋一齊分享及回味一下。容許我分享一下感受，人哋話知己難求，但我已經有幾個對我咁好既姊妹，真係覺得「幸運是我」，一齊讀書、學校大食會(掛住雞脾煮的咖喱魚蛋)、會考去自修室溫書(其實係玩...&食薯條及炸魚蛋)、拍拖、失戀、去旅行...當中有開心及唔開心的回憶，曾經因為大家唔同校，疏遠了甚至有少少隔膜發生，但幸運地你哋仍然响我身邊一齊陪我...好多野唔能夠用文字形容，一齊盡在不言中。love you all...

經過兩日瘋狂活動後，今日已經好疲倦，不過都約咗同事mimmy去做gel甲，一直見到佢做得好靚，終於忍唔住...而且佢好好人，上星期四問完佢，佢即刻幫我問有無得試造。起初以為最多3個鐘就完成，最後由1點做到5點，mimmy做完facial仲等埋我先走，由於大家都肚餓，而且佢又陪我等，所以都決定同佢食完tea先再join文生。燈燈燈櫈....my gel甲

之後約咗文生去大角咀食日本菜...&拆禮物，印象中好似係第一次送d咁有心思既禮物，不過拆的時候有少少驚，見到自己咁大個頭

一直期待著姊妹送給我的驚喜，哈...澳門一天遊。由於行程緊密，大家要朝早8點幾出發，(唔好意思，放假都要大家咁早起身)。

驚喜一：見到阿文拎住蛋糕嚟，真係以為佢一齊去，哈!!!

驚喜二：agnes b盒裝住既來回船飛，起初以為你哋又送禮物俾我，但雞脾的一句「仲咩無包花紙?」，令我一言驚醒。再加上ruby的答案竟然話「整爛咗」，實在令人難以至信，以我咁聰明，又點會再相信盒裡面係禮物呢。不過真係估唔到你哋將船飛放响入面。多謝你哋...真係好驚喜。

驚喜三：諗住無生日蛋糕，同埋咁早收到張咭...嘻嘻

總括今日，幾樣野令我印象較深刻...一)响賭場搵最豬樣荷官(chi)，見到佢個樣...你都會忍唔住要同佢賭一賭。 二)幾個傻婆跳高影相影咗半個鐘，同一個動作做咗十幾次，勁倦...但爆笑。 三)本來8點半先有飯食，好彩小魚勁聽到人哋一句人齊可以即刻入去，我哋先可以唔駛等咁耐就有得食。 四)「兩個人叫餸食唔到d咩....??!!」係咪想得罪搭枱的情侶。

想話比姊妹們知，由我第一日選擇驚喜，我就無後悔過，因為深信你哋會為我的生日作好好的安排。thank you all of you...