要為1個月後的約會做準備......要搵下值得紀念的。雖然係抄習別人, 但都無所謂啦, 我地可以玩得有自己風格d。

期待之!!!!!!!!!!!!!!!!

呢個就係我堂大佬個bb仔, 差不多3個月大啦, 好趣緻個樣好老積架!!!哈...哥哥驚bb太細, 所以唔敢抱佢。

今日出去食lunch時發生意外,向公司仆親, 係整個人"扒" 左向地上, 嘩!!!兩個膝頭哥勁痛...今次都預左會瘀, 好彩係地板唔係石屎地, 唔係就一定拆損晒。由於傷勢太嚴重, 免得嚇親大家, 所以相片經過特別效果。

今日請左假同文生一齊番大陸按摩，其實我好耐無番過大陸，更何況係按摩...。上到去落馬洲都已經1點幾lu，首站去左旋轉餐廳飲茶，之後就係遊地鐵河，行下商場，之後就去按摩，今次只係按腳及肩膀，好正好舒服，可能自己又覺得疲倦啦，文生仲玩埋采耳，幾有趣。晚飯去左食北京菜，由於玩夜左，趕唔切去落馬洲搭火車，攪到要番去皇崗搭巴士，由於同文生唔同路，自己一個人去過關真係驚驚地....

其實禽晚已經不斷聽到打雷&落大雨聲，好嘈訓唔到，點知今朝一早老豆就話掛黑雨，訓下醒下咁....攪到11點幾先起身，老豆即刻話去海怡飲茶，好彩...到我地落街時已經停左雨。飲完茶...就番屋企ready定出去飲喜酒，文生個表姐今日結婚，今朝仲諗緊...落咁大雨著住裙褂既表姐一定好狼狽，我仲突登買左條飲裙架麻，今次實整到濕晒啦。哈哈!!!天公做美，直到我換好晒衫出街，都無雨lu。

5點幾入到元朗，只見到文生原來坐左門口做迎賓，哈...由於無事幹，所以我都做埋迎賓，遞下簽名筆...mark低有到既賓客....及最重要的代收禮金工作。...今晚有兩個感動位，第1個當然係睇一對新人既小時候至拍拖結婚相，至於第2個就係新娘屋企人(包括文生)、好姊妹、同事及新朗分別秘密地錄左一段心情說話送俾新娘，睇完就安排眾賓客續一送上一支支玫瑰花給新娘，連一向硬正既新娘子都終於忍唔住喊左出黎....更何況係眼淺既我...