今日係同事cliff既last day，大家決定攪個farewell dinner歡送佢，去左有骨氣打邊爐，短短1個月，已經相繼有兩位好同事辭職，阿笑同我都有些少upset，因為大家開始熟絡的時候，又要say goodbye，6月派埋第二次bonus後，可能會仲多人會辭職，唔知幾時輪到我呢.....？

本來今日星期五可以開始提早放番6點，但臨時有野做，而且又諗住等埋阿笑先一齊去打邊爐，所以今日都7點幾先走，又"握"左1個鐘ot，嘻!!!黎緊呢個friday...我深信都要ot，因為要pack箱ready星期一搬上上一層office。好唔想搬走丫.......

今日HR正式出通告，由6月開始，星期五的放工時間由7點改為6點，YEAH!!!終於等到呢一日啦，過真係一大喜訊，開心到有同事請食TEA添。雖然平時都差不多做到7點先走，但感覺上被公司強迫性要7點走，心理上始終唔舒服。哈!!!

同樣公司有新安排，就係我個DEPT要搬去另一層樓，我將要坐在姐姐房門口，唉!!!以為佢搵我就方便好多，大喊一聲就OK。而且由於係背住佢坐，佢無時無刻都可以睇到我做緊咩，唔可以咁張揚地同事玩MSN，我真係十萬個唔願意。

今日又嘔啦，話說中午飯飲左杯西瓜汁，可能太寒涼的關係，首先見頭痛，之後就開始嘔。以為訓醒一覺會無事，所以無睇醫生，點知...都係敵唔過病魔。

剛剛睇完某某的blog，突然好有感覺。10年前，她們做了個時間錦囊，等10年後才可打開。聽起上來10年後好似係好遙遠的事，但回想自己已過了2個10年，自從畢業後出來工作後，時間過得特別快，平日只係掛住工作，假期時又只記掛住去玩、shopping or 拍拖，輪到真係無事好幹時，才會諗下去大掃除，無意中可以搵到好多回憶...畢業時既紀念冊、校刊、校園照，每樣野都好值得令人回味。

究竟10年前...即1998年，我做緊咩呢??

今晚慶祝婆婆生日，席間見到表弟個bb，真係好得意可愛，個頭又大樣子呆呆地，全晚都好受歡迎。

已經儲齊一套啦...yeah!!!