話說我個賤格同事...竟然响星期六晚12點幾打電話俾我，問埋d not too urgent matter，當然我無接到佢電話，佢只係留言俾我，仲要10分鐘內打兩次。

今日番到公司，佢仲要覺得無問題咁問我有無收到佢msg，完全唔覺得騷擾到我，真係當正自己係我直屬上司，隨時隨地都可以打俾我，頂佢個肺呀!!下刪100字。I'm not on-duty in 24 hours。今次佢初犯，如果再有第二次，我一定要响阿姐投訴。

真係唔明點解唔係我範疇的工作都要我做埋，幾時先可以真真正正將merchandising & operation分開呢？

今晚約咗舊同事Heidi Ma & 仔仔一齊食飯聚舊，大家有講不盡的話題，始終覺得我哋3個係一個perfect既組合，可能大家同年紀，好啱傾，工作方面又夾，唉...好懷念以往的日子。雖然現在有Smile，但同佢既關係就好似帶住個妹妹做野咁，相反同Heidi就可以一齊分擔&分享工作上的問題，大家可以有相有量。

文生向朋友訂咗幾隻大閘蟹，所以今晚去佢屋企開餐，咁大個女都係第1次食咋，發覺都幾大隻&好多膏，多到漏晒油添，但係食1隻已經好飽，可能d膏太多感覺很膩。我仲預咗幾隻明天同屋企人一齊食，不過哥哥感冒...可能要睇住我哋食啦。

今晚約咗讀秘書時既舊同學仔飯聚，大家有好幾個月無見啦，人越大真係越難約番d朋友出嚟，因為要搵一日大家都得閒既日子真係有難道，所以我會好好珍惜每一次既聚會。

p.s.欣..好可惜你今晚又嚟唔到，真係唔知幾時先可以見到你啦。miss u!!

今日去咗探舊同學Jade & 佢個bb仔，不經不覺都已經21個月大啦，識行識走，不過仲未識得講野，只係識得「呀....呀...」。好開心佢肯被我拖住嚟行 & 抱抱，因為Jade話佢好有性格，唔係咁輕易可以做到。我哋先去咗食tea，之後响樓下公園仔玩咗一陣，就上咗佢屋企坐吓，bb真係好鍾意睇tv，睇到眼都唔眨。好可愛呀!!!