今日文生都要番工，入咗元朗同佢食飯。都唔知係元朗細呀，定係你識人多。沿途不斷遇到你的朋友仔，哈哈....。

今日八月十五，公司都無得放早，真係陰公。今晚屋企做節，文生都有嚟，食完飯，去咗睇《C+偵探》。本來諗住係一套懸疑片，但係原來係鬼片，越睇越驚....。睇完都已經12點，真係唔敢一條友番屋企，誓要文生送到我番屋企門口，哈哈!!!

今日係媽咪生日，約埋佢幾個friend友一齊去咗誠信大酒樓食晚飯慶祝，大家有所不知，其實誠信d小菜都唔差架，加上老豆同個太子熟熟地，餸菜都會正d。食完飯番屋企切生日蛋糕，媽咪好開心，但最近呢幾年，發覺媽咪好似老咗好多咁。...

最近愛上了玩facebook，就連自己呢個私家日誌都唔寫。各位親愛既朋友仔，有空就click入去玩吓，餵吓我隻寵物-肥頭，pet吓佢。

你睇我隻肥頭幾咁可愛得意...你好為食架!!

今日燥底指數100，全因是一個爬街西門。雖然我唔係under佢，但佢既所為實在令人髮指。今日我同阿仔(my colleague)做咗成日包裝女工，倦到嘔白泡，佢就剩係識得坐响到，個屎忽永遠要痴住張櫈。ok...你唔幫手唔緊要，你係經理(經過唔理嗰隻)麻，唔該你既態度都好少少呀!!大佬...我唔係打你工架，唔係你出糧俾我架，我唔需要受你氣、睇你面色、幫你做野架(因為我唔係你條靚)。即使我阿姐lisa俾咗舊屎我哋食，之後都會俾番啖砂糖氹我哋，呢個爬街剩係識得串串"貢"，周圍辣著火頭。起初諗住同佢鬥長命，以為佢會頂唔順自動辭職，但係我哋都錯晒，相信到某一日頂唔住時，就要爆出嚟(complain to Lisa or ready resigned letter)。佢乞我憎既程度，已經去到唔想同佢講野、唔想見到佢個死人樣、唔想聽到佢把聲。................