姊妹...多謝你哋，呢兩日得你哋同我傾計，一齊分憂。雖然大家唔係每日都傾電話、見面，好似距離好遠咁，但當知道對方有任何問題時，都會每一時間致電對方問候一下，呢種感覺好warm，因為身邊永遠都有你哋呢班好姊妹撐我。

任務失敗，今日Anya hindmarch推出限量版環保袋，$120諗住去買番個，11點公開發售，10點鐘出到銅鑼灣利園舖已經見到條長長既人龍，經已包圍利園1個圈，仲要見唔到龍尾添。除咗呢間分店外，中環仲有幾個location有得賣，但係聽到收音機話今朝早已經有2000人去排隊，警方呼籲市民唔好再去排。痴線架.....有無咁顛呀!!!

真係越睇越鍾意，唔知上網bid唔bid到呢？不過好似已經抄到$2000幾蚊啦。

番埋今日就開始放假啦...哈哈...一連4日既假期...爽呀!! 不過明天我有一個任務，現在尚未知道可唔可以完成，I hope I can。

之前報咗個degree嚟讀，一直都未收到信，好擔心唔收。今日見到有封cityU既信，即刻打開嚟睇，YEAH!!!

要讀兩年....2009年才畢業。呢兩年都要俾心機讀書，唔可以諗其他野LU。