Heidi個位已經請咗人頂，仲要明天就正式番工啦，今次阿姐真係快手。好緊張...唔知同佢夾唔夾呢？今日所有shop managers上嚟開會，之後一齊食lunch順導同heidi farewell。距離佢既last day仲有1個禮拜左右，越來越唔捨得。

發覺近期身子差咗，經常性頭痛，今日仲因為頭痛，攪到又嘔，頂唔住都要早走番屋企休息。都唔知點解會咁，真係要睇吓中醫，調理吓身體先，雖然好怕飲中藥，但都要頂梗上。唔通我有偏頭痛...

今日終於決心去做facial，成日都話去但最尾都係無做到。朝早同屋企人飲完茶之後，就去番香港仔做facial，差唔多半年咁攪過塊面，今日再去番，老闆娘都唔認得我啦，不過佢介紹咗我做另一個熱膜package，起初以為只係暖暖地，但過多幾分鐘後，塊面勁熱，熱到出汗嗰隻，因為佢封埋我個咀，所以講唔到野，真係驚驚地，最驚灼傷塊面麻，不過我知道老闆娘一直响我附近，有咩唔對路佢都會見到，再過多一陣，已經唔再發熱，我亦無咁驚，可能係熱膜既關係，俾以前所需時間好似短咗咁，除咗塊膜之後，老闆娘問我覺得點，我話起初熱烘烘令我好驚，之後涼番就無咩事，佢話呢隻全面d，好多人都改做呢款，雖然貴少少，但為咗靚，都要付出架啦。

今晚約咗阿僖&cat食飯聚舊，大家都好耐無見啦，差不多1年lu。好開心聽到阿僖你既對象已經出現了，希望好快又收到你既好消息啦，真係好替你高興。cat...唔好俾咁大壓力自己啦，飲咁多傷身啊，放心啦...你既真命天子都會好快出現架啦，你仲後生麻...來日方長，得閒就要約吓我哋，傾吓講吓，就會relax d架啦。下次一齊"鏟"上jade屋企同bb玩。

文生股票賺咗錢，所以好濶佬地請咗我食buffet，最後選擇咗Sheraton Hotel，上年佢生日時我哋去過，覺得都ok架。不過今晚再去的時候，就覺得唔同晒。首先d生蠔好似發育不良咁，隻隻都超級細size，見到都唔想夾嚟食，而且又無咗d新鮮海鮮。至於其他熱盤及甜品都不錯。我最欣賞既當然係my favour.....cakes，有一款甜品好似係朱古力心太軟咁，熱烘烘...YummyYummy。

多謝您!今晚呢一餐我好滿足啊。