今日要去大伯娘家拜年，之前同堂家姐約好去行山，係咪好有益身心呢？下午4點鐘開始由置富出發去薄扶林水塘，本來諗住行埋上山頂，但因為驚危險(新年較少人行)，所以行咗一個大運就算。好彩今日天陰，行起上嚟都未算好辛苦。
不經不覺已經 2 年啦，今日請咗假諗住俾個驚喜你接你放工，點知俾你識破咗。不過都係好既，因為你走早d陪我。去咗睇《門徒》，新年睇呢類戲都係麻麻地，因為睇完出番嚟會有d唔開心既感覺。
又話好累又未執行李，所以唔送我，但又有精力去同朋友飲咖啡，唉!!!
今晚去咗尖沙咀印尼餐廳1968食飯慶祝，無錯真係幾有情調，但實在太暗，只係靠枱面既一點燭光去睇menu，有些少辛苦。不過食物方面都不錯，好飽...嗰杯勁大杯既雪糕紅豆冰。
今晚好多女仔手上都有拿住束花，點解我無既??!!
今日去咗剪頭髮，都係電曲髮，但出嚟既效果只係一般，同之前個髮型差唔多，d藥水仲要攪到我條頸好抓癢，下次都係做番負離子算啦....
雖然佢哋飛咗，我可以好free，但係今日feel到得番我自己一個人做晒所有野....好辛苦，又要support佢哋，又要忙做reports，真係成個人都崩潰，今晚仲要做到9點幾先走，仲要係last嗰個，成公司剩番自己一個人既感覺非常唔好受，忍唔住喊咗出來，真係覺得好辛苦，一個人做幾個人既野真係唔易，响公司連說話都唔想講多句...今朝仲要俾個死基佬同事當出氣袋...發洩.....
