今日一行六人出發去澳門，過到去澳門碼頭，等咗好耐先有酒店車，所以2點幾先check-in，其實財神酒店裝修後都唔差，而且地點又就腳。今晚我哋去咗玩小型賽車，未去之前都唔太驚，因為覺得應該好安全的。點知去到見到條跑道，聽埋d賽車聲，真係驚驚地，未玩之前仲要簽埋生死狀咁樣既文件，响我哋等緊玩的時候，睇到其他人玩到炒晒車，真係好得人驚，不過文生仲驚..........我會炒車(搵唔番個女俾我阿媽)，因為夜晚的關係，師父都叫我哋小心d。好樣衰...我一出車就死咗火，因為一開始唔敢開太快無去到盡俾油，之後開順咗，就好好玩......不過我都係開得較慢，好彩我哋嗰round d人玩得好斯文，只有2條友炒咗車，20分鐘後安安全全到步，玩完隻右腳好疲累，因為不斷要加油減油。

之後我哋去咗黑沙灣 - 法蘭度食晚飯，呢間餐廳好出名，但真係估唔到咁鬼多人，我哋等咗個幾鐘先有位，可能大家都好肚餓，叫到一枱都係野食，有沙律、炒蜆、燒牛、燒豬仔骨、燒沙甸魚、烤乳豬肉、仲有共有2個拳頭咁大既麵包，但都可以清晒，勁!!!食完野大家先番酒店洗白白，再去星際 & 永利賭場參觀。之後就番酒店休息.........文生就同佢兩個朋友去賭場玩，我???都唔係咁鍾意賭錢，咪响酒店睇住電視...瞓著咗lu...zzzzzzzz，哈!!!條友仔番到嚟同我講贏咗$1,600，勁勁!!!

 攝於路環

 慶祝佳燊 & 家寶生日

今日係Jack既last day，佢就風騷到死，滿場飛，難為我同Heidi做到隻狗咁，不過算啦。佢始終都係一個好同事，好照顧我哋。另一邊，阿Lisa姐個面口就唔係咁好睇啦，兩個人全日都無咩點講過野，因為大家都唔like大家。今曰Lisa, Heidi & me開會傾番新一季大家的工作編排，講真我嗰part就無咩大轉變，但heidi就.........人間悲羅.....，但lisa都好慘，一個人獨力撐住，仲要帶住兩個死靚妹，希望可以快d請到個新同事，幫輕吓大家啦。

 佢哋就係Heidi & Jack，大家成日聽到佢哋個名，終於可以見到佢哋廬山真面目。

 呢張係Jack last day嗰日影架，睇吓佢幾Happy

今晚我哋JPG牌子同事食annual dinner，要等埋舖頭同事放工，差不多等到9:30pm先有得食。去咗銅鑼灣鳳城，食物就麻麻地，但最唔掂係D侍應，全部都恰吓恰吓，超級無敵蠢、鈍、笨...。其實今晚仲係同Jack farewell，話咁快後日就係佢既last day，真係有少少唔捨得，好似無咗個阿哥照住咁。

今日終於去咗食峰壽司，但有些失望，我都係覺得板前好味d，而且價錢都好似較平。因為好耐都無食過sushi，文生又唔肯陪我食，所以搵哥哥陪，好彩哥哥都鍾意食日本野，而且今餐我請客，次次同佢出去食飯都係佢俾，請佢食一次都好應該的。

今日入去元朗拎眼鏡，順便睇埋《放•逐》，都ok啦...一般杜琪峰作品，中段有d悶想瞌眼瞓 。開場之前睇到《妄想》既片頭，我覺得幾吸引，但你即時話唔想睇...叫哥哥陪我睇...哼...你好野 。

我都好期待26號可以約埋你哋一齊食飯啦....真係好耐無見....miss u all