今日本來諗住入元朗探文生既麻麻，點知勁塞車，遲晒大到仲過埋探病時間，真係好唔開心。入到去，文生都探完出番嚟，之後去咗飲茶食lunch，好耐都無一齊飲茶lu。之後去咗旅行社取資料，計劃北京之旅，計埋d雜費都要$3000幾蚊，真係俾我預期貴。夜晚約咗bird&tina&灝朗一家人食火煱，上次見朗朗時，都係滿月既時候，現在他已經1歲人仔啦，好可愛，不過好痴媽咪爹哋雖然好鍾意玩，但一抱上手就喊啦，無計啦。

又係自己一個番屋企，咁辛苦不如揾個住响元朗架啦...又唔晒時間又唔晒車錢...都幾好呀!!真係好嬲...唉!!算啦!!唔想講。

今日放假去咗剪頭髮，做咗負厘子，足足坐咗3個幾鐘，pat pat痛到死。今晚公司有fashion show，約埋heidi一齊去睇，仲有哥哥添，今晚請咗鍾嘉欣、楊怡、Lisa S. & 熊黛林...好多人啊...所以睇得唔係太清楚。不過有野睇又有野食，都幾好呀!!今次唔係我做嗰個牌子做show，所以可以舒舒服服咁睇show，不過要企...企足半粒鐘都幾倦架。

今日同哥哥去咗天后一間樓上cafe食tea，感覺好舒服，一邊係cafe一邊係書店，又有雜誌睇，可以hea到幾個鐘架。

今日去咗海洋公園，但係文生係抱病陪我去玩，真係好過意唔去。原定約响正門等，點知個傻佬搭嗰架巴士响集古村入口停，所以大家都各自各入場，再匯合。自己一個人搭吊車，真係驚驚地，好彩帶咗部相機，只好自己玩自拍。今次最想玩既係輕氣球，起初吊起時有少少搖晃，之後就好定，都可以升到幾高呀！由於我哋下午先入場，所以都唔係太夠時間玩咁。

本來諗住去金滿庭食晚飯，但等緊位的時候，見到你已經好唔舒服，所以決定去魚米家，第一次見到你咁辛苦，仲要食得咁少野，個心好內疚。呢個星期你都抱恙，真係估唔到你會有時間去買禮物，究竟幾時買架？係咪今朝早去TST的時候.....？Anyway, thanks!!

歡迎瀏覽我的相簿，有更多相睇...

今晚同班姊妹&姊妹bf一齊慶祝生日，真係好難得咁齊人架，最衰文生病咗啦，無佢份添。雖然今晚一切都响生掌握之內，但知道你哋都有擺到心機為我慶祝，只要你哋每年都陪我渡過就已經足夠啦，驚喜?!唔需要特登做既，有心就得架啦。

多謝你哋送俾我份禮物，好鍾意啊!!Ruby多謝你咁花心思整生日咭，好特別...個封面。仲要多謝雞脾送既獨一無二既月曆，一d都唔老土呀，多謝晒你哋。