你講得啱，每間公司都會有些好乞人憎的同事，做得野既.....就被人炒魷魚，唔做得野既....就安然無恙，真係唔公平。

今朝番工時，見唔到個receptionist，原來佢個女發高燒，所以請假。點知今晚放工食飯時，竟然被我响同一間餐廳見到佢同幾個friends開開心心地吃飯，個女病咗仲咁好興致出街食飯既?!

今晚係2006年最後一日，家楫同我都各自各精彩，夜晚同哥哥去打邊爐，原本諗住去新星，可能9:00後任食的關係，去到時門口已經被30-40人包圍，以為係黑社會開片添?! 不過最後都被我哋揾到間火煱店 - 謙記，之前哥哥已經嚟食過，我試咗碟水晶叉燒包&石榴蝦，用嚟打邊爐都幾得意

原本諗住食完飯，我就番屋企，而哥哥就約咗同事落bar countdown，一路上哥哥都極力叫我一齊去玩，因為佢話除夕自己一個人响屋企好慘....所以最後我都同咗佢哋一齊倒數，因為有哥哥响到，所以我都試飲咗杯cocktail & 啤酒，2007年相信我都會幾lucky......

今日睇咗《傷城》，都幾好，有些少似無間道。

今晚去朗豪酒店食buffet，雖然沒有預期中咁豐富，但一班friends咁齊人食飯，真係很開心，實在難得。相片都已經晒好啦，下次見面俾你哋啦，係咪好有效率呢？

想率先睇番當晚相片，可瀏覽"kaman18的相簿"。

今日平安夜，4個人去咗重慶食咖喱，原本諗住你話嚟接我出去，我就順便送埋份聖誕禮物俾你，點知......，咁咪要我拎住個巨大既紙袋出街，幾咁阻"訂"。今晚餐廳爆場，好彩有訂位，不過都要坐到入尾房。食完飯，尖沙咀周圍都迫爆人，諗住落旺角行一陣就搭車走人，最尾都係要行去奧海城坐車。

 呢個咁可愛既b女就係我阿姐個寶貝女，係咪好得意呢？佢好乖架，又唔怕人，唔太扭計。今日公司响lunch時間攪Xmas party，所以帶咗佢番嚟玩，佢好似個小明星咁，大家都爭住同佢玩&抱佢，佢好香bb味架....哈哈！不過佢走嗰陣時，唔肯錫啖我，因為佢見到老豆，就喊住要老豆抱抱啦。