第二朝早，响酒店食完早餐，執埋行李，就出發去漁人碼頭。途經金沙，咪入去睇睇，點知文生同個fd每人夾$100去玩百家樂，贏咗$400，之後再去玩大小，文生今次真係幾lucky，多數都中，最後贏番$500走人。漁人碼頭又無我想像中咁靚，可能太熱，大家影咗幾幅相就離開。因為文生贏大錢，今餐午餐就由佢嚟做老闆，本來諗住去氹仔 - 山度士餐廳，點知無開門，最後就去咗小飛象，食完之後去咗莫義記食甜品 - 大菜糕。之後再去附近的萄國人生活博物館參觀。
之後我哋去咗旅遊塔參觀日清博物館，其實好鬼細，只係間好細的房，擺放少少出前一丁&日清杯麵的擺設，感覺有少少搵笨。參觀完出咗去戶外行吓，咁啱有人响塔頂玩跳樓，又真係幾刺激，地面仲要無氣墊，只有一個工作人員接住，都咪話唔驚。不過$600幾一個人，實在太貴啦。
最後一站就係去番議事亭買手信，買完手信食少少野就要趕番酒店拎行李去碼頭，現在澳門的的士已經同之前好唔同，有一些7人私家車改裝為的士，仲要係名廠車BENZ，即使我哋6個人，都十分舒適，不過唔係太多呢款車，好難先撞啱。
 日清博物館...到此一遊
 萄國人生活博物館
| 
。哈哈...話咁快就儲齊10個，Yeah......
