今日搵咗哥哥陪我去ZARA睇吓條裙，點知佢覺得麻麻地，好似老餅咗少少，攪到我唔知點算好，之後佢又趕住去會合佢個friend，所以剩低我自己一個行，行咗times square，都唔啱心水，醒起東角中心有d Bontiques都會有出席宴會既裙，"那那林"仆去睇，終於見到條幾好既，試著過都幾靚，最重要著得個pat pat細咗，不過都好貴，所以行咗一圈先決定再番轉頭買，個sales好好口，見到我番轉頭買，即刻話頭先已經覺得我著得好靚，連剛才在場既客人都話ok，點解我會唔買，雖然知道佢吹水，但佢都幾nice，所以都同佢傾咗一陣先走人...哈哈。

知道你唔嬲，就算請你食餐飯又有何問題呢? 最重要係你願意嘗面出席。仲有我哋Xmas buffet諗住幾時去付錢呢?

今日決定要睇晒整套《1公升眼淚》，由2點幾開始睇，初時同哥哥一齊睇，所以唔會喊到咁厲害，但之後佢出街，剩番我一個睇埋初尾二兩集，真係喊到我抽晒筋......母愛真係好偉大，為咗自己的仔女，付出多少也不會計較。

之後眼腫腫咁同家楫去咗香港仔唱K，好耐無唱K啦，不過你經常性霸住支MIC及插歌..........算啦,見係你

今日又收到個消息，公司又有一個同事走(仲要係高層)，不過呢個係heidi講俾我知的一個秘密，所以我同佢都要扮唔知，突然間心裡面諗，我阿姐會唔會都諗住辭職呢?(因為阿姐同呢位高層超friend，所以阿姐應該知道咗呢個消息) 如果我做嗰個牌子無咗個brand manager都唔知點算好?!希望呢日唔好發生啦

YEAH!!!今晚去食萬豚屋...好耐無食烏冬啦，希望有位&有你想食既海鮮烏冬啦。希望你可以做得晒D野，今晚嚟接我啦......因為阿姐今晚會去Habour City的亮燈儀式，應該會早少少走人既，所以我都唔想留响呢個鬼地方咁耐。今朝阿姐原本想約我食lunch，但因為我帶咗飯，所以reject咗佢lu，不過佢約咗我同Heidi明天去食一壽司，lunch食壽司好似怪怪地咁，不過阿姐叫到，誰人敢逆佢意啊....

今天的心情與天氣一樣.......烏雲密佈。唔想多講...