結婚擺酒可以係一件很高興的事，同樣亦可以係一件很麻煩的事。話說表弟下星期就要結婚，由於嚟得實在太急，所有預備工夫都要响短時間內完成，表弟&未來表弟婦又唔嗒唔吊，見到舅母要自己一個人攪晒所有野，真係替佢辛苦，但佢知道有孫抱，口水都流晒lu。

呢幾日都有同heidi傾，原來佢對阿姐真係好不滿，做得唔開心，想辭職。今日阿姐仲要試探我，問我知唔知咩事，我當然扮傻啦，唉...有時佢又真係唔識做，令做細既我哋好心淡。明天開始heidi就放大假，下星期二先番工，留低我對住阿姐，真係驚佢會發顛。

今日係lisa姐牛一，我哋買咗份禮物&一束花送俾佢，照計都應該好開心至係，點知佢無咩反應不得致，仲要好似唔多like咁，今朝一早番到嚟塊面都已經黑黑地架啦，都唔知係咪老公激嬲咗佢，好彩佢下午放假，唔駛對住佢。

另外今朝番到公司，覺得heidi唔同咗，唔多出聲，所有事都提唔起勁咁，好似好多心事咁，令我更加覺得佢上星期五請病假，其實係假的，而係去見工先真。今日lunch佢仲約咗另一個同事食，我諗佢係想搵人幫佢分析吓，佢仲要接到個電話，神神秘秘咁行咗房傾，明顯地唔想俾其他人聽到談話內容。再加上lisa叫我約埋佢呢個wed食lunch，當我同佢講時，佢竟然拎晒頭，話唔想同佢食，下星期改日再約過。從種種跡象嚟睇，.......文生叫我唔好胡亂諗一d未經證實既野，真係好唔開心一個傾得埋既同事都走，好擔心！

今日慶祝母親節，去咗稻香打邊爐，升職加薪後都未請屋企人食飯，所以今餐我請客。好飽....

今日入咗元朗，本來打算請文生屋企人飲茶，慶祝文媽媽生日，點知爭唔贏姑姐。下一站要去晒相，7毫子一張不過要隔一日先有得拎，無得即日睇添。

有時真係覺得佢好唔通氣，好討厭，有事無事都搵你，明白佢係你好朋友，但你都有拍拖過二人世界的時候架啦。