今晚出席咗表弟既婚禮，雖然籌備既時間好短，但總算順利。見到舅母很高興，周圍招呼親朋烕友。開席前，見到表弟拖住老婆由門口行入嚟，真係好感動，有少少眼濕濕的衝動。

今日去咗東涌，原因係文生個fd响polo outlet做，咁咪入去行一行。雖然整個商場都係outlets舖頭，但實際上可以買得落手既野真係唔多。polo係好抵買，60%discount，不過很多款式都斷碼，最後只係買到件polo shirt俾老豆，文生收穫就較豐富。

係咪一個人辭咗職，心態就會轉變呢？今日我FEEL到HEIDI好似咩都唔理，唔關佢事咁款。佢之前放假，我幫佢跟...ok無問題，但你都番工啦，係咪應該接手番呢？唔係一句"我唔想同阿姐講野"，而要我做傳聲筒，要我做埋應該係你做既工作掛...有點兒過份羅。

今日LUNCH同HEIDI講番呢幾日發生既事，佢既反應都只係一般，而且佢終於同我講佢resign咗，正如我以前所估，佢原來响放大假前一天已經遞咗信，不過阿姐叫佢諗清楚，去完旅行番嚟再作決定。當然佢去意已決，任何野都留唔住佢架啦。知道咗之後，的確唔係太開心，大家相對多一個月後，就要分開啦，好唔捨得。

lunch後，阿姐叫我入房，同我交待HEIDI辭職一事。6月中之後既日子...唉!!!希望快D請到人頂HEIDI個位，IF NOT......我咪一個人頂兩個人既工作羅...。

終於請到人啦...一個空置咗半年的asst. merchandising manager既職位終於有人頂上啦。不過即時既反應都唔係太大、太高興，因為新同事6月18日先正式番工，尚有大半個月時間，恐怕事件重演...中途又話唔嚟，所以佢一日未番工，我都唔敢開心住。新同事係男人嚟架，好驚佢會好惡&擺款，雖然我唔係report to him，但係如果夾唔嚟，日子都幾難過，真係好掛住舊同事JACK，佢好似一個大哥哥，好照顧HEIDI & ME。

HEIDI仲放緊假，明天先番，真係要將呢個好消息話俾佢聽先得。