食完藥成個人呆呆地，又唔想瞓覺。等我update吓我個blog先。

昨晚放工後，趕唔切睇林德華醫生，所以決定今朝一起身就去見佢。以前張公司醫療咭可以用，但轉咗axa後，原來用唔著。哎...呢個月睇醫生都用咗好多$$$。好彩昨日已出糧....

原本約埋班姊妹去旅行社交埋尾數，但係實在太辛苦啦。sorry again

今日星期五放7點，原本諗住補鐘早走去睇醫生，今朝起身已經開始流鼻水 & 咳。番到公司...阿姐聽到我把聲都變埋，已經叫我做埋d野，下晏就番屋企抖。無奈地.......星期一上海開新舖，萬九幾樣野突如其來地發生，裝修又出現問題，傢俬電器又買唔到，又要幫法國同事book酒店車，想走都無得走，最後7點半。

5點幾又收個farewell lunch email，又一個同事離開了，唉...相熟的同事都一個一個走lu，唔知幾時輪到我呢？哈哈!!

Annual dinner後遺症，由於瞓得幾粒鐘，今朝一起身已經頭痛，心知不妙。但因為下星期開舖，好多預備工作要做，所以都死頂番工。番到公司...情況仲嚴重，又嘔添。因此決定補鐘即走(因為我唔諗住睇醫生，所以先補鐘)，番到home即瞓......到4點幾起身，都無咩胃口，老豆買咗件海綿蛋糕俾我吃，食完之後見仲好疲倦，咪再瞓羅....未瞓著成個蛋糕嘔番晒出嚟，終於忍唔住都係要睇醫生。過濾性病毒感梁...個學名好似好勁咁，其實咪又係感冒一種(我覺得)

今晚公司响州際攪annual dinner，一年一度既盛事，我仲突登買咗條"飲裙"添。我同幾個同事8點去到，每位同事都有一個鎖仔作紀念品。今年主題係舞林之夜，我同事阿東仲扮日本歌技，化妝都花咗兩個幾鐘啦，無奈地佢竟然輸咗。紀念品 - 華敦鎖一個

歌技阿東...係咪好靚呢？

全家幅 - Simon / Lisa / Kaman / Smile / 仔 / Yvonne

同哥哥一齊參加咗《盲俠行》，由17號晚行到第二朝早，每年奧比斯都會攪，今年成約3000人參加。由灣仔運動場出發，行到終點淺水灣。

灣仔運動場集合...攞番張登記證先

準備出發

去到中環天橋...要蒙眼行...目的感受盲人行路, 好刺激!!!

第1個補給站-西環, 得到一包餅乾&朱古力

中途有人要去廁所,只好呆等...好大風好凍

終於行到去第2個補給詀-香港仔,眼瞓&腳痛x10000000000

開始天光啦...但都只係行到深水灣only

終於到達終點-淺水灣,吸晒3個印仔(開始呆滯)

yeah...證書一張...三文治及飲品