今晚與幾個同事們食飯預祝smile生日，近近地去咗諾士佛臺香辣屋，過咗一個充滿笑聲的晚上。其中一個同事仲拎埋部私伙professional camera出嚟，大家玩咗好多張連環快拍。

 黃衫者乃是主角smile

 大家對呢支吹極都唔熄的candle很好奇????

今晚係麻雀腳anita & michael結婚大日子，小妹有幸被邀請，

場地是以古代宮廷式布置

由於未開始，所以同阿碧, calvin去咗門口影相

主角終於出場啦 ...登登登登

總括今晚...見到姊妹們很落力, 特別係阿碧, 又要幫新娘著衫...安排遊戲...幫手敬酒, 無時停, 佢真係一個200分姊妹.

另一發現係原來伴娘係200個忙碌, 今日見到anita妹妹不停招呼客人, 敬酒時幫家姐整理裙尾, 走來走去, 最重要係仲要頂埋酒!!勁!!真係伴娘唔易做。

今日又有一位要好同事 ─ 阿仔遞辭職信，其實我同阿笑已經極力勸阻佢，但係...。令人更upset的係，阿姐竟然留都唔留下佢，就收左佢封信。話晒阿仔無功都有勞丫，辛辛苦苦幫佢做好個fashion show，竟然得黎咁既回報。雖然我唔係當事人，但係都覺得心都淡埋，今日我同阿笑都無晒心機做野，所以決定以後按章工作，咁仆心仆命咁做野都係無用，只會令人更加變本加厲，俾更多野你做。

今日好似樣樣都唔順利咁，本來諗住7點左右可以走人，但阿笑開到口叫我幫一幫佢手點貨(明天fashion show出場outfits)，點知發現少咗1隻鞋，搵咗好耐成間房都無，因為今朝做完models fitting，所以好混亂。搵到8點幾都未搵到，無計啦...只好睇下明天會否自己浮番出黎。之後那那聲出去cwb金百利拎番條褲，因為諗住明天show著，所以一定要今晚去拎，黑仔事情發生...

1. 送車尾

2. 等左20分鐘先再有車

3. 去到boutique關咗門，但著晒燈。心諗...應該係去咗toilet only，行左1個round，仲未番...行上一層睇下野，行番落黎，仍未番...再行去隔離東角逛，(其實超疲累,只想快d番屋企, 奈何...)途中已經每隔5分鐘打一次電話check下佢番未，但一直都無人聽。之後去左食南記，諗住邊食邊等啦

4. 一碗腩肉小窩米線，等左我10分鐘，由於只得自己一個人，無人幫我霸定位，企足10分鐘等佢碗米線，頂!!!

5. 食完再打電話，都係無人聽，頂佢丫!!之前問左佢佢話10:30先close，今日9點左右就無人，玩我丫!!由於電話都無人聽，所以都懶得再行番去金百利

6. 行去三越等巴士，一路行旁邊有條龍，以為係其他線路，點知差唔到行到站頭，先知...

oh my god...

一早已經同姐姐講左今日係補鐘放假，奈何wed佢主動開口問我可否消假，起初知道fri可能打風，今次請假真係蝕晒，但現在既然佢開口叫我消假咪消羅，仲好...因為點都係放假一天，鸚鵡...thank you so much.