今日多咗一日假期，實在太正啦!! i m lovin it....

哥哥book咗下午場打羽毛球，好耐都無玩啦，係時候做番d運動。今次除咗我地兩個之外，仲有哥哥一個同事，女仔嚟架...嘻嘻!!住响油塘入到嚟打波...哈哈!!very nice...大家苦戰2粒鐘之後，番屋企梳洗下就落樓下大快活食tea。我都唔係好疲倦，但運動咗兩個鐘，好驚明天起床後腰酸背痛。

家楫妹妹送咗兩張免費澳門船飛俾我地，所以決定去玩番晚，抖下呢!!由於都去過好多次的關係，所以今次主要目的都係食&賭，之前响macau.com搵到優惠，金都酒店$600幾蚊1晚，網上標誌5*級，真的不錯，但衰在地點响氹仔，但都只係响威尼斯人對面，打的都係$20左右。

搭船無聊時影的

第一站威尼斯人酒店逛逛官也街食魚翅麵, 麻麻地再過隔離聖娜度食木槺布甸4點去到check-in話間房仲要等多10分鐘,所以俾咗2張free drink coupon我地去酒店餐廳到等, service不錯

終於可以入到個blog啦，本來有幾日可以update，但星期一番工後，令整個人down晒，已經再無心機寫番之前發生既事。今日番到公司，唔想同同事講野，只係埋首工作，話都唔多講半句。事源....星期一早上番到公司，相信大家抖完兩日weekend假期，monday morning都仲有少許holiday mood，心情靚靚地但又未全程投入工作，點知個女魔頭一早走嚟為咗d小事"拮"我，仲要成朝對住我黑面，喂大佬...佢自己心情唔靚想搵人出氣發洩就攪我，點解係都要攪到身邊每人都unhappy。最慘仲要同佢一齊食lunch，因要farewell同事阿仔，其實阿仔同我都係十萬個唔想同佢食，奈何呢d政治飯係務必出席。席間仲要挖話題講，扮晒同我地融洽咁，唔該你啦...摺埋彈開!!! 佢既衰野，真係數極都數唔完，昨天真係好想搵人吐苦水，最後搵到兩位戰友阿笑 & 一位it同事

低落既心情延續到今日，幸好...佢明天就開始放大假，then go to Paris trip，到10月6號先再見到佢個衰樣。

今日係我last一個舅父結婚，我有8個舅父，媽咪係大家姐，雖然親戚朋友都對呢個新舅母有不滿，但係見到今晚各位舅父及舅母都好幫手，我爸爸媽媽更不在話下啦，因為大家始終都係一家人，而且係最細個細佬結婚。哥哥仲做埋伴郎添，忙碌咗一整天，因為女家响長洲，男家就响柴灣，擺酒响九龍灣展貿。

 個場地都幾正架，一支柱都無，當晚擺咗26席，都好鬆動。但奈何個冷氣真係超級唔得。

 媽咪同我早到，未有賓客嚟，所以我倆去咗周圍影相，而且難得媽咪著得咁"令"

 哈...扮簽到留念

今晚又有少少眼濕濕，睇住對新人入場的一刻...好驚到時輪到班好姊妹好朋友結婚時，會忍唔住

今日補鐘放假一天，晚上會去同家楫屋企人食飯做節。之不過下午呢段時間要去做好幾樣野，

1. 去cwb做facial (不過係個新女幫我做，十分不對勁，完全唔掂當，下次一定唔會再叫佢做)
2. 南記lunch
3. 落sogo買月餅 & 銅鑼燒 (今晚去食飯，當然唔可以拎兩梳蕉去啦，月餅係送俾uncle既，銅鑼燒就係妹妹話要的)
4. 過海去尖沙咀舖頭拎飲裙 (明天係舅父仔結婚大日子，買咗條新裙，奈何太短，所以前幾日已經拜託我地舖頭綿綿師傅幫我盡放長，試上身發現好透，原先諗住唔想再煩師傅，諗住求其買條底裙算數，但師傅好好人，怕著咗會兩節色，所以即刻幫我加多塊紗，兩三下手勢就攪掂，改良版真係perfect)
5. 趕入元朗
6. 8時入席，食完趕番家楫屋企睇"家好月圓"