由於以往一直都係同哥哥share電腦用，有時會唔方便，所以決定買部notebook自己用，經哥哥專業意見後，終於買左部係啱我及足夠我用的一部。今次好彩有哥哥响到，係佢幫我格價、check機、set-up...仲要幫我睇埋說明書，有咩特別function，哈...因本人很討厭睇說明書。

   珍珠白色的外殼

 YEAH!!

上星期mcdonald一推出hello kitty messenger系列後，公司同事即刻落樓下買左一套，雖然本人對hello kitty不太感興趣，但都覺得呢套公仔好得意，特別是" i love u"的一隻，所以我又即刻叫文生換呢隻俾我。

上星期六行緊東角時，竟然俾我發現有雞仔扭蛋，當然忍唔住要扭番隻啦...見到實物時，覺得有d似7仔。

今晚同文生去左食鐵板燒慶祝，間餐廳係任飲任食既，但只有兩個時段，5:30或8:30，決定食前者。除左鐵板燒，仲有刺生食，都叫ok啦...只係覺得味道淡左少少，要自己狂加黑椒粉。

 蒜蓉蠔、聖子、銀雪魚

 鵝肝蟹子蒸蛋

 師傅現場表演，由於唔想吸太多油煙，所以選擇坐卡位

 好好味既海鮮清湯，有趣地用茶壺盛著

之前去左間餐廳諗住食個下午茶，坐低後，見到本menu真係忍唔住要影底佢，你地睇下

 係咪超級大本呢?! 點解文生個表情咁樣?? 睇埋下幅相就知

 哈!!連幅相都大過人架，所以文生被嚇到呆左

由於昨晚玩到3點幾先番屋企，今朝起身時都仲係迷下迷下，點知哥哥話咁好天氣，不如去游水曬太陽，其實上幾個禮拜係我提議先既，不過係咁落雨，所以攪到無一日去得成事。見到哥哥興致勃勃咁....好!!一於go go go，向淺水灣出發。今日見到好多女仔都係著住bikini，睇番自己件泳衣，真係唔太見得人，快d去買過件，下次再去曬過太陽。

今日與家楫的朋友一齊去大澳行下，原定約左11點在東涌集合，等下等下...終於要12:30先出發，(oh no!早知就唔駛咁早起身啦)。東涌坐旅遊巴入大澳，每位$11.8，足足坐左45分鐘先到達大澳。遊完大澳，大家搭船出番去屯門，因為諗住去黃金海岸club house食海鮮，其實係向街市買完再拎去煮。最後，入左其中一對朋友深井屋企玩。最攪笑係一共15人屈埋入一架7人車坐，有相為證。(姊妹們...佢屋企就係上次我地入深井時，有個好大既泳池既club house o個幢。真係好正架!!十分羨慕。