唔知你明唔明白...點解我會咁激動。

各姊妹：有關慶祝小魚生日，已訂咗枱食私房菜，詳情如下：

日期：12月21日        時間：晚上8時正        地點：旺角飛達商業中心1樓(近雅蘭中心)        出席者：小魚、章、Big、Calvin、Ruby、Rebecca & me        集合時間：TBC

請各位出席者，閱讀此訊息後，留意給我。謝謝！

今日去咗接放工，之後一齊去買餸番屋企煮，好耐無下廚啦，既然你又開到口，順吓你意啦。始終唔係自己屋企，所以煮起上嚟真係有些少手忙腳亂，好彩最後都食到你飽飽。不過下次太飽的話，就唔好來夾硬食啦，食滯咗咁點算喎....傻佬。

之前兩曰都做到8點幾先走，真係好痛苦，今晚唔可以再咁夜走，所以決定6:00就放工約文生，我哋去咗金滿庭食飯，食完飯我哋行番出去旺角，奧海城外邊有一棵很高很大的聖誕樹，咁啱我又帶咗相機，當然唔會錯過呢個機會啦。

今晚annual dinner真係好好玩，第一次參加咁大型既宴會，氣氛好正。而且今晚我哋牌子有sales上台表現，扮演梅艷芳唱《似火探戈》，我哋响台下叫到聲嘶力竭，最後佢攞到獎，我哋開心到不得了。嘩...不知不覺散席時都12點咁夜啦。

 JPG大合照