今日去咗家楫姨丈响元朗既眼鏡店配眼鏡，心大心細，試咗好多副，總係覺得每副都幾好。足足响眼鏡舖hea咗個幾鐘，因為佢姨丈十分詳盡地講解有關隱形眼鏡，走的時候都天黑lu。之後我哋去咗訂埋澳門船飛，終於決定今個月月尾出發，可以玩小型賽車，唔知以我的技術....會唔會炒呢???

今日食完lunch番公司途中，响樓下間mcdonald見到關麗珊，佢著晒行政套裝，同個男人傾野，我諗佢係同客傾緊保單，唔知佢係咪轉咗行做保險呢? 佢好斯文，完全唔似以前既潮爆look。

今朝番工時响巴士上遇到吳麗敏(中學同學)，大家由上車傾到落車，佢都有問候你哋，仲好關心你哋有無拍拖添，哈哈。

幾好睇的一套女人戲，哈哈終於可以叫到你入嚟數碼港睇，係咪好舒服呢..........D坐位。RUBY:我覺得好啱你呢一刻去睇呢套戲，真係去睇睇啊。ANDY雖然有個十分難頂既上司MIRANDA，但佢依然沒有放棄，反而諗晒辦法做到最好，雖然係做戲，但都可以俾到你一個借鏡。不過sorry無去睇煙花，浪費咗你兩張飛。

昨日收到個壞消息，我個品牌子個merchandising manager - Jack遞咗信辭職唔do，真係非常之驚訝，因為大家剛剛忙完個fashion show，感覺上大家合作得好融洽，收到呢個消息後，真係覺得好唔穩定，因為得番Lisa姐一個人撐，真係替佢擔心。Jack走，Heidi可能都會跟住辭職，因為佢唔太想直接跟Lisa，如果佢真係走............咁就only Lisa & me，當然會請人，但.....好似唔係咁舒服咁。

仲有Jack辭職呢件事，係佢自己同我哋講，suppose lisa係唔知我哋知道呢件事架，唔知佢會幾時同我哋交代呢?